ҺАВА ТОРЫШЫ -3 oC

Яңалыклар

барлык хәбәрләр Татарстан Россия
МӨҺим
Мәскәүдә Рәшит Ваһапов исемендәге халыкара татар җыры фестивале концерты узды
22 октябрьнең төп вакыйгалары - фото һәм сылтамалар
Зур теләк белән уйнадык – Зиннәтулла Билалетдинов
"Ак Барс" хоккейчылары Казанда "Металлург" командасын отты
Ислам дине нигезендә татар телен сакларга була - Рушан Аббясов

Җәмгыять

Пионер оешмалары бүген дә кирәк – Илфак Шиһапов

19 май 2017, 19:18

Пионер оешмалары бүген дә кирәк – Илфак Шиһапов Моннан 95 ел элек пионерлар оешмасына нигез салынган. Танылган продюсер әлеге оешмаларны кайтару яклы.

(Казан, 19 май, “Татар-информ”, Чулпан Шакирова). Журналист, продюсер Илфак Шиһапов пионер оешмалары бүген балаларны начар юлдан саклап калырга мөмкин, дигән фикердә. Бу хакта ул бүген В.И.Ленин исемендәге Бөтенсоюз Пионерлар оешмасы төзелүгә 95 ел тулу уңаеннан “Intertat.ru” электрон газетасына әйтте.

“Мин бит пионер булдым” дигән ул хис-кичерешне әйтеп аңлата торган түгел. Менә шундый халәт, кемгәдер изгелек кылырга, яхшы булырга, ярдәм итәргә дигән этәргеч иде ул. Мин аны хәзер дә кирәк дип саныйм. Пионермы ул, исемен үзгәртәләрме, анысы мөһим түгел. Пионер булса да ярый, чөнки “беренче” дигәнне аңлата. Ниндидер төркемдә булу, кемгәдер иярүне хәзер аңлап та бетермиләр инде, ул ягы да бар. Ә шулай да ул бит начарлыкка өйрәтми. Сабый психикасы бик сыгылмалы була, ул вакытта аны яхшыга үгетлиләр икән, кеше күрмәгәндә дә бер изгелек эшләү гадәте аннан соң да кала ул. Миндә ул сыйфат әллә ничә еллар буена барды. Шуңа күрә балаларны берләштерүче тәрбия чарасы буларак, мин анда бернинди начарлык күрмим. Пионер системасындагы тәҗрибәне кулланып, шундый бер оешма төзергә кирәк. Казанда ике үсмернең берсе начар юлда. Шундый оешмалар күпмедер баланы начар юлдан тартып калса да, бик зур эш булыр иде ул”, – диде ул.

Пионер сафына керү өчен тәртибез дә, укуыбыз да үрнәк булырга тиеш, ди ул. "Берәр тәртипсезлек кылсам, пионерга алмаслар да, оятын кая куярмын”, – дигән шөбһәләре булуын да яшермәде Илфак Шиһапов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр