ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Мөфти Илдар Мөхәммәдшин Эстониядә Беренче мәхәлләне татарлар оештырганын әйтте
Парламентта халыкның Татарстанда сәгать поясын алыштыру турындагы мөрәҗәгатен карадылар
“Мин татарча сөйләшәм!” акциясе быел унөченче тапкыр уздырыла
Татарстан Язучылар берлеге Габдулла Тукай туган көне уңаеннан тантаналы чараларга чакыра
24 апрельнең төп вакыйгалары - фото һәм сылтамалар

Фән һәм мәгариф

Казанда “Балачак дөньясы” күргәзмәсе һәм “Без бергә” форумы ачылды

19 май 2017, 15:47 , Фото: Александр Эшкинин

Казанда “Балачак дөньясы” күргәзмәсе һәм “Без бергә” форумы ачылды Чаралар пионериянең 95 еллыгына багышлана.

(Казан, 19 майда, “Татар-информ”, Наталья Рыбакова). “Казан ярминкәсе” күргәзмә комплексында “Без бергә” Республика балалар хәрәкәте һәм өстәмә белем бирү форумы һәм 10нчы махсуслашкан “Балачак дөньясы” күргәзмәсе ачылды. Ике чара да пионериянең 95 еллыгына багышланган.

“Барыгызны да Пионерия көне белән тәбрик итәм. Без кайчандыр барыбыз да пионерия һәм комсомол системасында тәрбияләнгән кешеләр. Әйбәт мәктәп иде ул. Бүген республика балаларының 85 проценты талантларын үстерү буенча төрле балалар хәрәкәтләрендә катнаша”, дип билгеләп үтте вице-премьер – Татарстан мәгариф һәм фән министры Энгель Фәттахов тантана ачылышында.

“Без үз илебезнең һәм республиканың патриотларын тәрбияләргә тиешбез. Безнең балалар яхшы белемле, тәрбияле һәм һәр өлкәдә лидерлар булырга тиеш”, - дип җиткерде Э.Фәттахов.

“Мин Татарстанда зур интеллектуаль һәм иҗади потенциал күрәм. Балалар бүген үк үз талантлары белән үз гаиләләрен бөтен республикага һәм илгә таныта”, - дип сөйләде чыгышында Россия Дәүләт Думасының мәгариф һәм фән буенча комитет рәисе урынбасары Лариса Тутова.

Спикер сүзләренчә, илдә өстәмә белем бирүгә зур игътибар күрсәтелә. Татарстанда сәләтле балаларга ярдәм итүдә барлык шартлар тудырылган.

“Май аенда “Казан ярминкәсе” чынлап торып балалар дөньясына әверелә” – диде үз чиратында Татарстанда бала хокуклары буенча вәкил Гүзәл Удачина.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10