ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Татар дөньясы

Түбән Новгород татарлары яшьләрнең лидерлык мәктәбе эшен сентябрьдән дәвам итәчәк

19 май 2017, 16:27

Түбән Новгород татарлары яшьләрнең лидерлык мәктәбе эшен сентябрьдән дәвам итәчәк Түбән Новгород өлкәсендә быел ачылган "Татар яшьләре лидерлык мәктәбе"нең беренче чыгарылышы көтелә.

(Казан, 19 май, "Татар-информ"). Түбән Новгород өлкәсе Татар милли-мәдәни мохтарияте быел беренче тапкыр оештырган “Татар яшьләренең лидерлык мәктәбе”ндә уку елы тәмамланды. "Лидерлык мәктәбе" эшчәнлеге туктап калмаячак, сентябрьдән дәвам итәчәк, дип хәбәр итә Татар милли-мәдәни мохтарияте. 

Әлеге проект кысаларында, атна саен диярлек татар яшьләре янына төбәкнең күренекле, абруйлы кешеләре очрашуга килде, үзләренең хезмәт юлы турында сөйләп, уңышка ирешү серләре белән уртаклашты. Әйтик, соңгы дәрестә шәхси автотранспорт предприятиесе тоткан эшкуар, өлкәдә дәрәҗәле меценат Рамил Абдуллин катнашты.

"Лидерлык мәктәбе"ндә курслар узган яшьләргә уку турында сертификатлар да тапшырылачак. Киләсе уку елында "укытучы" буларак, “Татнефть”, “ЛУКОЙЛ”, “Нижфарма” һәм башка компанияләрнең, дәүләт оешмаларының җитәкчеләрен чакырырга ниятлиләр. Шулай ук яшьләрне предприятиеләргә алып барып, күчмә семинарлар үткәрергә, файдалы экскурсияләр оештырырга да планлаштыралар. “Лидерлык мәктәбе"ндә укырга 16-35 яшькәчә татар яшьләрен кабул итәләр. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10