ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Халыкның ягулык сатып алырга акчасы юк – Алмаз Гайнетдинов
Инновацияләр белән чынлап торып кызыксыну юк диде А.Фурсенко Казандагы чыгышында
Россиядә метрода инвалидлар, өлкәннәр һәм көмәнле хатыннарга урын бирү мәҗбүри булачак
“Әлифчеләр” яңа мәдәният министрына теләкләрен җиткерде
Фатих Сибагатуллин ни өчен Нурлатта татар мәктәбе ачмаганын аңлатты

Татар дөньясы

Коломнада Татар мәдәнияте көнендә милли мәдәният һәм әдәбият белән таныштыралар

19 май 2017, 10:33

Коломнада Татар мәдәнияте көнендә милли мәдәният һәм әдәбият белән таныштыралар Татар мәдәнияте көне кунаклары шигырьләр һәм җырлар тыңлап, милли ризыклардан да сыйлана алачак.

(Казан, 19 май, "Татар-информ"). Бүген, 19 майда Мәскәү өлкәсендәге Коломна шәһәрендә Татар мәдәнияте көне үтәчәк. Татар халкының мәдәниятенә һәм әдәбиятына багышланган бәйрәм И.Лажечников исемендәге китапханәдә узачак, дип хәбәр итә Коломна районының Татар милли-мәдәни мохтарияте.

Коломнада татар оешмасы рәсми рәвештә 2010 елдан эшли. Бәйрәмдә татар мохтарияте рәисе урынбасары, җәмәгать эшлеклесе, Кораллы көчләр ветераны Дамир Юсупов татар шагыйре Габдулла Тукайның тормыш һәм иҗат юлы турында сөйләр дип көтелә. Ә шагыйрь һәм композитор Стас Бакаев герой-шагыйрь Муса Җәлил иҗатына, фашизмга каршы көрәш темасына багышланган программа әзерләгән. Чыгышлар сәнгать коллективларының музыкаль номерлары белән үрелеп барачак. Татар мәдәнияте көне кунаклары милли ризыклардан да сыйлана алачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10