ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
Мәскәүдә тарихчы Габделхан Әхтәмҗанның яңа китабы тәкъдим ителде
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак
Мамадышта Мансур Шиһапов истәлегенә багышланган бәйгедә яшь иҗатчыларны бүләкләделәр

Җәмгыять

Биш ел эчендә Татарстанда үсмерләр арасында җәрәхәтләнүчеләр саны арткан

19 май 2017, 11:32

Биш ел эчендә Татарстанда үсмерләр арасында җәрәхәтләнүчеләр саны арткан Балалар баш мие җәрәхәтләрен көндәлек тормышта һәм урамда ала, дип җиткергән Республика балалар клиник хастаханәсе баш табибы Рафаэль Шәвәлиев.

(Казан, 19 май, "Татар-информ"). Соңгы биш елда Татарстанда 15-17 яшьлек үсмерләр арасында җәрәхәт алу һәм агулану очраклары 8,5 процентка үскән. Бу хакта "Татар-информ"  агентлыгы хәбәрчесенә Республика балалар клиникасы хастаханәсе баш табибы Рафаэль Шәвәлиев җиткерде.

Баш табиб сүзләренчә, Татарстан үсмерләре арасында җәрәхәтләнү очрагының таралуы, тулаем алганда, Россиядәгедән 20,5 процентка югарырак. Татарстан балалары арасында көнкүреш травматизмы өстенлек ала (53,6 процент), аннан урамда алган җәрәхәтләр – 28,8, мәктәптә – 6,2, юл-транспорт һәлакәтләрендә – 0,44 процент тәшкил итә.

Бүгенгә Республика балалар клиникасы хастаханәсендә көнкүрештә алган пешү җәрәхәтләре белән 12 бала дәвалана. Балаларның күбесе 9 айдан алып 2 яшькә кадәргеләр. Араларында бик авыр хәлдәгеләр дә бар, ике яшьлек бер бала хәтта комада. Икенчесенең кайнап торган су белән тәненең 55 проценты пешкән. Нейрохирургия бүлегендә баш сөяге һәм баш мие җәрәхәтләнү белән 15 бала дәвалана. Хастаханәгә һәр көнне егылу һәм бәрелү аркасында баш сөягенә зыян килгән бер-ике бала китерелә, ди.

"Көннәр җылыту белән велосипедтан егылып зыян алучылар да арта. Шушы көннәрдә генә, мәсәлән,, хрургия бүлегендә 13 яшьлек үсмергә операция ясалды", – дип җиткерде баш табиб.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10