ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
"Ак Барс" хоккейчылары Мәскәүнең "Динамо" командасын тар-мар итте
Рөстәм Миңнеханов Россия оборона министры урынбасары белән хезмәттәшлек турында фикерләште
Балаларны татарчага өйрәтә торган "Tatar baby" сайты һәм паблигы яңартылачак
Россия чемпионатында Татарстанның 6 көрәшчесе алтын медаль яулаган
Зиннәтулла Билалетдинов Йолдызлар матчында Харламов дивизионын җитәклиячәк

Рәсми Татарстан

Фәрит Мөхәммәтшин журналистларны Матбугат көне белән котлады

19 май 2017, 09:34

Фәрит Мөхәммәтшин журналистларны Матбугат көне белән котлады Язмышыгызны җаваплы һөнәр белән бәйләп, вакыйгаларның алгы сызыгында торасыз, халык белән аралашып яшисез, дип мөрәҗәгать итә Дәүләт Советы рәисе.

(Казан, 19 май, "Татар-информ"). Бүген, Татарстанда Матбугат көне уңаеннан, Татарстан Дәүләт Советы рәисе Фәрит Мөхәммәтшин тармак хезмәткәрләрен һөнәри бәйрәмнәре белән котлады.

"Республика массакүләм мәгълүмат чараларының хөрмәтле ветераннары һәм  хезмәткәрләре!  Сезне Татарстан Республикасы Матбугат көне белән чын күңелдән тәбрик итәм. Бүген тормышны мәгълүмат алмашудан башка күз алдына китерү дә мөмкин түгел. Матбугат һәм электрон басмалар, радио һәм телевидение, спутник аша һәм мобиль элемтә безгә мөһим эшләрдән хәбәрдар булу мөмкинлеген бирә, дөньякүләм, илебез һәм республикабыз эчендәге актуаль вакыйгалар белән даими таныштырып тора.

Татарстан массакүләм коммуникация чаралары граждан җәмгыятенең  мөһим институтына, тоткарлыксыз мәгълүмат чыганагына, киңәшчегә һәм республикада бара торган вакыйгаларның хәбәрчесенә әверелде. Күп очракта җирле матбугат чаралары халыкның гозерен хакимияткә җиткерергә ярдәм итсә, дәүләт хакимияте һәм идарәсе органнарын гади халыкка якынайта, аларны  борчыган мәсьәләләрне күрергә һәм тирәнрәк аңларга булыша. Көнүзәк мәсьләләрнең тизрәк хәл ителеше күп очракта хакимият структуралары белән җирле масс-медианың конструктив эшенә бәйле була.

Күпсанлы басмалар, телерадиоканаллар, үз йөзен булдырып һәм үз фикерен чагылдырып, татарстанлыларны борчый торган иң кискен темаларны яктырта торган бердәм мәгълүмат кыры хасил итәләр. Һәр көн һәм һәр сәгать саен сез  зур күләмле һәм нәтиҗәле эшләр башкарасыз. Бүген республикабыз журналистларын һөнәри бәйрәмнәре белән котлаганда, үзенең бер гасырлык юбилеен билгеләп үткән яраткан газетабыз “Республика Татарстан”ның иҗат коллективын шушы истәлекле дата белән тагын бер мәртәбә  тәбрик итәм!

Кадерле дуслар! Сез язмышыгызны үтә дә җаваплы һөнәр белән бәйләгәнсез, һәрвакыт вакыйгаларның алгы сызыгында торасыз, халык белән турыдан-туры аралашып яшисез. Җәмгыятьнең әхлакый-психологик торышы, асылда, аның бүгенгесе һәм киләчәге сезнең сүзнең никадәр үтемле булуына, үз вакытында әйтелүенә бәйле.

Ватаныбыз журналистикасының иң яхшы традицияләрен саклагыз. Иҗтимагый тормышта актив катнашыгыз. Хакыйкатькә һәм дөреслеккә хезмәт итегез. Куелган максатларыгызга ирешегез. Яңа алымнар һәм яңа ысуллар табу теләге,  иҗади куәтегез беркайчан да сүнмәсен!

Сезгә бәхет, исәнлек-саулык, һөнәри казанышлар һәм кызыклы проектлар телим. Рейтингларыгыз югары, тиражларыгыз күп, укучыларыгыз бихисап булсын. Бәйрәм белән!" – диелгән Фәрит Мөхәммәтшинның котлавында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр