ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов һәм Михаил Бабич Теләчедә боз сарае ачты
Марат Әхмәтов: Татар көрәше – милләтебезнең җаны ул
Бүген Илһам Вәлиевнең классик концертын «Татар-информ» онлайн күрсәтә
Рөстәм Миңнеханов һәм Михаил Бабич Теләче районына килде
Казанда ЮХИДИ Киров районында 13 яшьлек малайны бәрдереп киткән машина йөртүчене эзли

Спорт

Россия хоккейчылары дөнья чемпионаты ярымфиналында Канада җыелмасы белән очрашачак

19 май 2017, 07:14

Россия хоккейчылары дөнья чемпионаты ярымфиналында Канада җыелмасы белән очрашачак Кичә дөнья чемпионатында чирек финал уеннары узды.

(Казан, 19 май, "Татар-информ", Фәрит Салихов). Германиянең Кельн һәм Франциянең Париж шәһәрләрендә уза торган дөнья чемпионатында ярымфиналда катнашачак 4 команда билгеле булды. Чемпионатта кичә чирек финал уеннары узды.

Чехия җыелма командасын 3:0 исәбе белән откан Россия хоккейчылары ярымфиналда гамәлдәге дөнья һәм Олимпия чемпионы – Канада белән очрашачак. Чирек финал матчында Канада хоккейчылары Германия җыелмасыннан өстен чыкты (2:1).

"Канада командасыннан куркырга, мин 18 яшьлек малай түгел, – дип белдерде Россия хоккей командасы баш тренеры Олег Знарок кичә Чехия командасын откач, әле көндәше билгеле булганчы ук. – Канада икән, аларга каршы әзерләнәчәкбез. Канады җыелмасын әле бер тапкыр да отканым булмаса да, берни дә куркытмый".

Ярымфиналның икенче парында Финляндия һәм Швеция командалары очраша. Чирек финалда финнар Америка командасын отса (2:0), Швеция хоккейчылары Швейцария җыелмасыннан өстен чыкты (3:1).

Уеннар 20 майда Кельн шәһәрендә үтә. Россия-Канада очрашуы – Мәскәү вакыты белән 16.15, ә Финляндия-Швеция уены 20.15 сәгатьтә башлана.

Финал һәм бронза өчен көрәш 21 майга билгеләнгән.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр