ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Казанда Криштиану Роналду автографы белән футболканы 100 мең сумга саталар
Рөстәм Миңнеханов Россия яшьләренә лидерлык дәресе үткәрде
Халыкның ягулык сатып алырга акчасы юк – Алмаз Гайнетдинов
Инновацияләр белән чынлап торып кызыксыну юк диде А.Фурсенко Казандагы чыгышында
Россиядә метрода инвалидлар, өлкәннәр һәм көмәнле хатыннарга урын бирү мәҗбүри булачак

Җәмгыять

Яңа Арыш авылында иң өлкән ветеранны котладылар

18 май 2017, 21:39

Яңа Арыш авылында иң өлкән ветеранны котладылар Мәдәниятне үстерүгә ярдәм фонды башкарма директоры Нурия Хашимова ветеранга Татарстан Президенты Рөстәм Миңнехановның тәбрикләүләрен җиткерде.

(Казан, 18 май, “Татар-информ”, Регина Шиһабетдинова). Балык Бистәсе районының Яңа Арыш авылында яшәүче Бөек Ватан сугышы ветераны Шиһабетдин Мусин 90 яшьлеге уңаеннан котлаулар кабул итте. Яңа Арыш авылында ул - иң өлкәннәрнең берсе.

Мәдәниятне үстерүгә ярдәм фонды башкарма директоры Нурия Хашимова ветеранга Татарстан Республикасы Президенты Рөстәм Миңнехановның тәбрикләүләрен җиткерде һәм аның исеменнән бүләкләр тапшырды. Президент котлау хатында Шиһабетдин Мусинга сәламәтлек, рух ныклыгы һәм озын гомер теләгән.

Шиһабетдин абый - озак вакылар Нургали Миңнеханов белән иңен иңгә куеп эшләгән кеше. Ул хезмәт юлын гади урманчы эшеннән башлаган, колхоз бригадиры да булган. Бөек Ватан сугышында катнашкан. Сталинград сугышында ничек исән калуы турында ул әле дә искә ала.

Тәбрикләү сүзләрен ветеранга шулай ук ТР Хезмәт һәм социаль яклау министры урынбасары Энҗе Нигъмәтҗанова һәм Балык Бистәсе районы башкарма комитеты җитәкчесе Рашат Хәбибуллин да җиткерде.

10 ел элек паралич сукканнан соң, хәрәкәтләнү мөмкинлеге чикләнсә дә, Шиһабетдин абый бүген дә көчле рухта, якыннарын сөендереп, актив тормыш алып бара. Махсус коляскасында көн саен мәчеткә йөри, туган авылы тормышын күзәтә, авылдашлары һәм мәктәп укучылары белән аралаша.

Шиһабетдин Мусин әйтүенчә, гомеренең иң авыр чакларында нәкъ менә гаилә бердәмлеге, аның ныклы тылы ветеранга чын терәк булган. Тормыш иптәше һәм гаиләсе бүген дә аңа сәламәтлеге белән булган бәлаләрне җиңәргә булыша. Ветеарнны котларга төп нигездәге бер өстәл артында аның биш баласы, унике оныгы һәм унөч оныкчыгы җыелды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10