ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов һәм Михаил Бабич Теләчедә боз сарае ачты
Марат Әхмәтов: Татар көрәше – милләтебезнең җаны ул
Бүген Илһам Вәлиевнең классик концертын «Татар-информ» онлайн күрсәтә
Рөстәм Миңнеханов һәм Михаил Бабич Теләче районына килде
Казанда ЮХИДИ Киров районында 13 яшьлек малайны бәрдереп киткән машина йөртүчене эзли

Җәмгыять

Кукмарада тузган торак программасы буенча төзелгән 4 йорт файдалануга тапшырылды

18 май 2017, 22:00

Кукмарада тузган торак программасы буенча төзелгән 4 йорт файдалануга тапшырылды Федераль программа буенча сафка баскан 3әр катлы, 24әр фатирлы йортларда авария әлендәге муниципаль йортларда яшәгән 86 гаилә, 7 ятим бала яшәячәк.

(Кукмара, 18 май, "Татар-информ", "Хезмәт даны"). Бүген Кукмара шәһәрендә сөенечле, зур вакыйга булды: Маяковский урамында тузган торак программасы буенча төзелгән дүрт йорттан фатирлар ияләренә тапшырылды. Төзелеш эшләрен Кукмараның "Строй-Гарант" оешмасы алып барды, дип яза kukmor-rt.ru сайты.

Тантанада район башлыгы Сергей Димитриев, башкала кунаклары - Татарстан Республикасы Президенты каршындагы Дәүләт торак фондының генераль директоры Тәлгать Абдуллин, Татарстан Республикасы Төзелеш, архитектура һәм торак-коммуналь хуҗалык министрлыгының төзелеш комплексын үстерү идарәсе башлыгы Динар Сагдатуллиннар катнашты.

-Кукмара районында 426 гаилә авария хәлендәге йортларда яши иде. Без план буенча аларның һәммәсен яңа фатирлар белән тәэмин итәбез. Бүген тапшырыла торган йортларның һәммәсе заман таләпләренә туры килерлек итеп эшләнгән. Алга таба булганны саклап тоту исә анда яшәүчеләрнең үзләреннән торачак, - дип билгеләп үтте район башлыгы Сергей Димитриев.

-Оныгым Индира – ятим. Ул бер яшеннән минем белән үсте. Хәзер инде аңа 18 яшь. Өебез кечкенә иде. Кызым өчен сөенеп бетә алмыйм. Җитәкчеләргә зур рәхмәт, - дип сөенече белән уртаклашты Кукмарадан Мәрьям ханым Гыймранова.

Авария хәлендәге йортларда яшәүчеләрне тораклы итү программасы кысаларында республикада 2130 гаилә (шуларның 291е – 2017 елда) яңа фатирлы булды.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр