ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Совет чорында дини әдәбият мөстәкыйль бер әдәби тармакка әйләнә - Әлфрид Бустанов
19 ноябрьнең төп вакыйгалары - фото һәм сылтамалар
Павел Шмаков: Татар телен укыту - бу халыкка хөрмәт
Астрономнар галәмдә Җиргә охшаган планета тапкан
Кәрим Тинчурин театры Бонн шәһәрендә «Назлы кияү» музыкаль комедиясен күрсәтте

Спорт

Әлмәт малайлары «Рубин»да кунакта булды

18 май 2017, 17:00

Аларның күптәнге хыялын шәһәр һәм балалар һәм яшүсмерләр спорт мәктәбе җитәкчелеге булышлыгы белән «Татнефть» ААҖнең матбугат хезмәте тормышка ашырды.

(Әлмәт,  18 май, "Татар-информ", "Әлмәт таңнары"). Әлмәт районының футбол буенча балалар һәм яшүсмерләр спорт мәктәбендә тәрбияләнүче 2008 елгы 36 шәкерт күптән түгел футбол клубы спорт базасында булып кайтты, дип яза район газетасы.

Аларның күптәнге хыялын шәһәр һәм балалар һәм яшүсмерләр спорт мәктәбе җитәкчелеге булышлыгы белән «Татнефть» ААҖнең матбугат хезмәте тормышка ашырды. Малайлар башта «Рубин»ның төп составы тренировкасын карадылар. Аннары Россиядә яшь футболчылар белән эшләү буенча иң эре һәм иң яхшы үзәкләрнең берсе булган «Рубин» футбол клубы академиясе бинасы буйлап сәяхәт кылдылар. Чираттагы тренировкада «Рубин» яшьләр командасы әгъзаларының да катнашуы кечкенә әлмәтлеләр өчен истә калырлык мизгелләрнең берсе булды. Ә менә «Рубин»ның капитаны Олег Кузьмин белән данлыклы голкипер Сергей Рыжиковның күренүе куанычның иң биек ноктасы булгандыр. Алар малайлар янына килеп, кулларындагы яшь фанатлар өчен махсус чыгарылган «Рубин көндәлекләре» дигән гаҗәеп матур альбомнарда үз фотолары астына автографларын куйдылар. Һәр әлмәтле үзе белән тагын бер сувенир - «Рубин» символикасы төшерелгән фанатлар шарфы алып китте.

Кайтканның икенче көнендә яшь футболчылар «трофей»ларын мәктәпкә алып барып, үз мәктәпләрендә көн геройларына әверелделәр, диелә район хәбәрендә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр