ҺАВА ТОРЫШЫ -21 oC

Яңалыклар

барлык хәбәрләр Татарстан Россия
МӨҺим
IV Төрки яшьләр фестивале делегатлары актерлык серләренә төшенде
Туган тел көне Әтнәнең Бәрәскә авылында - театр бәйрәменә, авыл бәйрәменә әйләнде
Татарстан “Ата-аналарның бердәм БДИ тапшыру көне” Бөтенроссия акциясенә кушылды
Тел, әдәбият һәм сәнгать институты тарафыннан 2017 елда 69 китап әзерләп чыгарылган
22 февральнең төп вакыйгалары - фото һәм сылтамалар

Хәвеф-хәтәр

Әтнәдә берәү рульне 14 яшьлек улына биргән

14 май 2017, 09:00

Әтнәдә берәү рульне 14 яшьлек улына биргән Штрафын вакытында түләмәгән бер йөртүчегә икеләтә күләмдә түләү яки 15 тәүлеккә арест, яки 50 сәгать мәҗбүри эшләр яный.

(Әтнә, 14 май, "Татар-информ", "Әтнә таңы"). Әтнәдә берәү рульне 14 яшьлек улына биргән һәм шуның өчен 30 мең сум күләмендә штраф түләргә мәҗбүр булган, дип яза район газетасы.

Юл кагыйдәләре һәркемгә дә кагыла, "Мин аның янында бит", дип кенә котылып калып булмый шул. Ә берәр уйламаган хәл килеп чыкса?! Бала язмышы өчен кем җавап бирә? Билгеле - ваемсыз әти кеше. Улын шулай үсендерүе мәңгелек аяныч нәтиҗәгә дә китерергә мөмкин бит. Шул хакта онытмыйк!

Юлны дөрес җирдән чыкмаган ике җәяүле дә, һәлакәт урынын ташлап киткән бер йөртүче дә, "Учебный" машинаны документларсыз алып чыгып киткән йөртүчегә дә җавап бирергә туры киләчәк. Штрафын вакытында түләмәгән бер йөртүчегә икеләтә күләмдә түләү яки 15 тәүлеккә арест, яки 50 сәгать мәҗбүри эшләр яный. Һәлакәт килеп чыкканнан соң спиртлы эчемлекләр кулланып тынычланган берәүгә исә 30 мең сум күләмендә штраф һәм 1,5ай - 2 елга кадәр йөртү хокукыннан мәхрүм ителү яный. Спиртлы эчемлекләр кулланган килеш руль артына утырган тагын бер йөртүчегә дә 30 мең сум күләмендә штраф түләргә һәм ел ярым җәяү йөреп торырга туры киләчәк, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр