ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Спорт

Чаңгы спортын үстерүдә Балтач районы аз акчага күп эш башкара – Илшат Фәрдиев

4 май 2017, 14:21 , Фото: Ильнар Тухбатов

Чаңгы спортын үстерүдә Балтач районы аз акчага күп эш башкара – Илшат Фәрдиев Районда - яктыртылган чаңгы трассасы, күңел биреп эшли торган хезмәткәрләр бар һәм иң мөһиме - әлеге спорт төрен яратучы халык яши.

(Казан, 4 май, "Татар-информ", Фәрит Салихов). Бүген Казанда республиканың Чаңгы узышлары һәм биатлон федерациясе узган сезонга йомгак ясады. Әлеге спорт төренең авыл һәм районнардагы бүгенге торышын Балтач районы мисалында карарга булдылар. Районның яшьләр эшләре һәм спорт бүлеге җитәкчесе Рөстәм Заһидуллин сүзләренчә, Балтачның географик урнашуы ук төбәктә чаңгы спортының үсешенә юл ача. Районда яктыртылган чаңгы трассасы, күңел биреп эшли торган хезмәткәрләр бар һәм иң мөһиме - әлеге спорт төрен яратучы халык яши, диелде.

Заседание коллегии Федерации лыжных гонок и биатлона РТ

"Төбәктә, республиканың иң төньяк районы булганлыктан, карда күнегүләрне башкаларга караганда 10-15 көнгә  алданрак башлау мөмкинлеге бар. Районда өч чаңгы трассасы бар. Шуларның берсе район үзәгендә булса, калган икесе - авылларда. Игътибар итсәк, халыкның күпчелеге чаңгыда кичен чыга. Шуңа да трассаның бер өлешен үзебезнең өстәмә керемнәр хисабына яктыртып, чаңгы спорты белән шөгыльләнүчеләр санын өч тапкырга арттыра алдык. Инде хәзер бездә төнге чаңгы ярышлары да уза", – ди Рөстәм Заһидуллин.

Районда чананы кыштан әзерләүнең мөһимлеген аңлап, чаңгычылар әзерләүдә зур роль уйный торган җәйге чаңгы-роллер трассасы да булдырганнар. Рөстәм Заһидуллин сүзләренә караганда, моның өчен 2 миллион сум акча сарыф ителгән.

"Балтач районы аз чыгымнар хисабына, чаңгы спортын үстерү буенча зур эш башкара. Әлеге спорт төрен үстерү буенча Балтачта башкарылган эшләрне башкаларга үрнәк итеп куярга була", – дип фикерен җиткерде Татарстанның Чаңгы узышлары һәм биатлон федерациясе президенты Илшат Фәрдиев.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр