ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Түбән Кама районында юл кырыена төшеп киткән “сигезле” машинасы йөртүчесе һәлак булган
Татарстанда 2018 елга республика халык мәдәнияте бәйрәмнәре графигы расланды
Гаиләдә туган тел сакланса, халык үз Ватанында яшәмәсә дә исән кала ала – М.Хухунашвили
Тикшерү комитеты Татарстанда парашютчылар һәлак булган урыннан фотолар бастырган
Дәүләтсез халыкның йөрәк ачысы – җырында - "Ватаным Татарстан" газетасы

Икътисад

Минималь хезмәт хакын яшәү минимумына кадәр күтәрү турында канун проекты әзерләнә

2 май 2017, 10:22

Минималь хезмәт хакын яшәү минимумына кадәр күтәрү турында канун проекты әзерләнә Россия Премьер-министры Дмитрий Медведев шундый эшне гамәлгә ашырырга кушты.

(Казан, 2 май, "Татар-информ"). Россия Премьер-министры Дмитрий Медведев минималь хезмәт хакы күләмен эшкә сәләтле халыкның яшәү минимумына кадәр күтәрү турында канун проекты әзерләүне йөкләде. Министрлар Кабинетының рәсми сайтында хәбәр ителгәнчә, әлеге бурычны хөкүмәт башлыгы Дәүләт Думасында Кабинетның 2016 ел эш нәтиҗәләре хисабыннан соң йөкләгән. Бу хакта ТАСС хәбәр итә.

Йөкләмәләр исемлегендә Россия Хезмәт һәм социаль яклау, Финанс, Икътисади үсеш министрлыкларына минималь хезмәт хакы күләмен эшкә сәләтле халыкның яшәү минимумына кадәр күтәрү турында федераль канун проекты әзерләп, Россия Федерациясе Хөкүмәтенә кертү кирәклеге әйтелгән.

19 апрельдә Дәүләт Думасында һәр елны ясалучы хисапта Медведев хөкүмәтнең минималь хезмәт хакы күләмен һәр елны даими рәвештә арттырылып килүен җиткерде. Узган ел ул 7500 сумга җиткән булса, быелның 1 июленнән 7800 сумга кадәр күтәреләчәк. Премьер шулай ук якындагы берничә елда минималь хезмәт хакы күләмен яшәү минимумына кадәр күтәреләчәген вәгъдә итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10