ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Васил Шәйхразиев Ханты-Манси автоном округына эшлекле сәфәргә чыга
Ижевск шәһәренә Россия төбәкләреннән төрле милләт балалары җыела
"Нефтехимик" хоккейчылары "Металлург" командасын отты
22 ноябрьнең төп вакыйгалары - фото һәм сылтамалар
Егетләрнең уеныннан канәгать калдым – Зиннәтулла Билалетдинов

Мәдәният

Казан Кремлендә туристлар сезоны башлануны билгеләп үтәләр

27 апрель 2017, 13:17

Казан Кремлендә туристлар сезоны башлануны билгеләп үтәләр Казан Кремле ел саен төрле ил һәм шәһәрләрдән килгән меңләгән туристны кабул итә.

(Казан, 27 апрель, "Татар-информ"). “Казан Кремле” музей тыюлыгы 29 апрельдә 14.00 сәгатьтә туристлар сезоны ачылуга багышланган бәйрәм программасына чакыра.  Бәйрәмгә килүчеләргә быел нинди фестивальләр, чаралар оештырылачагы, аның территориясендә нинди күргәзмә проектларын күреп булачагы турында сөйләргә җыеналар. Бу хакта Татарстан Мәдәният министрлыгы матбугат хезмәте хәбәр итә.

Казан Кремле ел саен төрле ил һәм шәһәрләрдән килгән меңләгән туристны кабул итә. Туристлар сезоны ачылу чарасына килүчеләр Казан Кремлендә Җиңү көненә багышлап, нинди флешмоб үткәреләчәген, Халыкара балаларны яклау көненә багышланган инде традициягә әйләнгән “Без Кремльне яратабыз!” фестивале, шулай ук 25-26 августта узачак “Казан фанфарлары” Хәрби тынлы оркестрлар фестивале турында да белә алачак.

“Казан Кремле” музей-тыюлыгы составына 7 музей керә. Бәйрәм вакытында аларның программалары, гамәлдәге һәм әзерләнә торган күргәзмәләр турында мәгълүмат та биреләчәк. Шулай ук туристлар өчен күңел ачу программасы тәкъдим ителәчәк, ул җәй көне атна саен шимбә көннәрендә узачак. Бәйрәм ахырында «Action Men Crew» төркеменнән бию буенча мастер-класс та оештырылачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр