ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Тарихчы Дамир Исхаков: Татар халкы кирәгеннән артык революционер булган
Режиссер Марат Баязитов: Татар халык театры ул – натураль, файдалы продукт
29 апрельнең төп вакыйгалары - фото һәм сылтамалар
Иркутск янындагы авылда берәү, коры үлән ягам дип, 59 йортны яндырган
Билгесез солдат һәйкәленә чәчәкләр салыначак - Тулы вәкаләтле вәкиллек

Татар дөньясы

"Ябалак" интеллектуаль уенында 13 команда татар өлкәләренә караган сорауларга җавап эзләде

21 апрель 2017, 13:14 , Фото: Александр Эшкинин

Уенны оештыручылар – татар актив яшьләре Ренат Миргаязов, Азат Миргаязов, Артур Фәләхов, Рүзәл Әхмәдиев, Илнур Кадыров, Алена Валькова.

 (Казан, 21 апрель, “Татар-информ”, Алмаз Шиһабетдинов). 20 апрельдә Казанда өченче тапкыр “Ябалак” татар интеллектуаль уены узды. “Татар-информ” агентлыгы хәбәрчесе дә әлеге уенда катнашты.

Татарская интеллектуальная игра "Ябалак"

Уенның максаты – татарның актив яшьләрен туплап, кызыклы заманча кичәләр ясау. Уенны оештыручылар – татар актив яшьләре Ренат Миргаязов, Азат Миргаязов, Рүзәл Әхмәдиев, Артур Фәләхов, Илнур Кадыров, Алена Валькова. “Ябалак”та биремнәр төрле өлкәдән алынды: милләт тарихына, татар җырларын, спектакльләрен, фильмнарын белүгә багышланган сораулар күп иде.

Татарская интеллектуальная игра "Ябалак"

“Ябалак” 5 турдан торды. Барлык турларда да сораулар мантыйкый фикер йөртә белүгә юнәлдерелгән иде. Мәсәлән, Болгарга 922 елда килгән кешенең әтисе кем булган? Дөрес җавап – Фадлан.

Интеллектуаль уенда барлыгы 13 команда катнашты. Командаларда 4-6 кеше булырга тиеш иде. Уен дәвамында командалар арасында зур көрәш барды. Җиңүче булып “Мин беләм” командасы билгеләнде. Икенче урында – “Мин татарча сөйләшәм” акциясен оештыручылар командасы. Җиңүчеләр исемлеген “Гаяз Рәдисович” командасы япты. Җиңүчеләрне тәм-том белән бүләкләделәр.

Татарская интеллектуальная игра "Ябалак"

Интеллектуаль уенны татар яшьләре лидерлары Рүзәл Әхмәдиев белән Ренат Миргаязов алып барды.

“Ябалак” интеллектуаль уены өченче тапкыр уздырылды. Алдагы уеннарда “Сәрләүхәсез” һәм “Сөембикә” командалары җиңү яулаган иде.

Киләсе “Ябалак” интеллектуаль уеннары май аенда узачак.

Татарская интеллектуальная игра "Ябалак"

Татарская интеллектуальная игра "Ябалак"

Татарская интеллектуальная игра "Ябалак"


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр