ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Казанда милләтара шахмат турниры узды
Казан хоккейчылары Электростальдә клубташларын 3:2 исәбе белән җиңде
Кушлавыч ник бездән ерак? - "Ватаным Татарстан" газетасы
Казанның меңнән артык укучысы милли уеннар белән танышачак
"Əлиф" спектакле Бакуда унынчы тапкыр уйналган

Фән һәм мәгариф

34 меңгә якын укучы татар теленнән бердәм республика тестларында катнашачак

21 апрель 2017, 07:40

Быел беренче тапкыр"Сөйләү" бүлекчәсенең апробациясен уздырырга җыеналар.

(Казан, 21 апрель, "Татар-информ") Алдагы ике айда гадел һәм объектив итеп барлык бәяләү процедураларын үткәрергә тиешбез, дип белдергән Татарстан Мәгариф һәм фән министры Энгель Фәттахов кичә мәгариф хезмәткәрләре белән республика видеоконференциясе үткәрде.Бу хакта министрлыкның матбугат хезмәте хәбәр итә.

Министр сүзләренчә, алдагы ике ай - традиция буенча мәгариф системасы өчен иң җаваплы этап. "Без сезнең белән гадел һәм объектив итеп барлык бәяләү процедураларын үткәрергә тиешбез. Шул исәптән уку елы эчендә безнең эш нәтиҗәлеген ачыклау өчен дә", - дигән министр.

Видеоконференциядә катнашкан Татарстан мәгариф һәм фән министры урынбасары И.Мөхәммәтов 4 сыйныфлар арасында уздырылучы бөтенроссия тикшерү эшләре барышы белән таныштырган. Ул билгеләп узганча, 4 сыйныфлар арасында бу тикшерү 100 процент колачлау белән уза, калган сыныфларда - апробация режимында.

Моннан тыш, И.Мөхәммәтов 24 апрель көнне Татарстанда татар теле буенча бердәм республика тестлары узачыгын искә төшереп үткән. Аларда 34 меңгә якын укучы катнашачак. Быел беренче тапкыр"Сөйләү" бүлекчәсенең апробациясен уздырырга җыеналар. Ул үз эченә ике биремне: диалог сөйләм күнекмәләрен һәм монолог сөйләм күнекмәләрен ачыкларга ярдәм итүче биремнәрне алачак.

"Бердәм республика тесташтыруы буенча безгә объектив мәгълүмат кирәк. Бу алга таба эш юнәлешен билгеләү өчен мөһим", - ди Э. Фәттахов. Ул искәртеп узганча, дөрес мәгълүмат укыту методикасы буенча яңа алымнар табарга ярдәм итәчәк, шул ук вакытта күрсәткечләр белем оешмаларының рейтингына йогынты ясамаячак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10