ҺАВА ТОРЫШЫ -3 oC

Яңалыклар

барлык хәбәрләр Татарстан Россия
МӨҺим
Фото: Чаллыда Кама елгасыннан суга баткан хатын-кыз гәүдәсе тапканнар
Рөстәм Миңнеханов: Америка компанияләре белән элемтәләрне үстерүгә зур мөмкинлекләр бар
Синоптиклар Татарстан юлларында бозлавык булу ихтималы турында кисәтә
Татарстанга 2017 ел ахырына кадәр барлыгы 3 миллион турист килүе фаразлана
Татарстан Президенты Хьюстонга эшлекле сәфәр кыла

Хәвеф-хәтәр

Германиядә билгесез кешеләр мәчетне мәсхәрәләгән

20 апрель 2017, 19:39 , Фото: aa.com.tr

Германиядә билгесез кешеләр мәчетне мәсхәрәләгән Вәхшиләр мәчет диварын кара аэрозоль буяу белән язып тутырган.

(Казан, 20 апрель, «Татар-информ»). Билгесез кешеләр Германиянең Лейпицг шәһәрендәге Әюп Солтан мәчетен мәсхәрәләгән, дип хәбәр иткән «Анадолу» агентлыгына мәчет хезмәткәре Исмәгыйль Озган.

Аның сүзләренчә, иртән иртүк мәчет имамы төрле язулар язып тутырылган диварларны күреп ала.

«Вәхшиләр мәчет диварын кара аэрозоль буяу белән язып тутырган. Әлеге сүзләр мөселманнарны рәнҗетә. Алар шулай ук керү ягындагы таблицаларга зыян китергән. Мин мәчеткә килгәндә, буяулар әле кибеп өлгермәгән иде. Димәк, алар бу вәхшилекне иртән эшләгән», - диде Озган.

Аның белдерүенчә, әлеге хәл белән бәйле тикшерү уздырыла, полиция видеокүзәтү камераларын өйрәнә.

Агымдагы атнаның башында Берлиндагы төрек ассоциациясе бинасына һөҗүм ясалган иде, ә алдагы көнне билгесез кеше Фрайбург-им-Брайсгау шәһәре мәчете диварына свастика ясаган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр