ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Татарстанның экология тәрбиясе юнәлешендәге иң алдынгы мәктәбе билгеле булды
"Күгәрченнәр белән кызыклы һәм маҗаралы аралашу" хәйрия акциясе Спас районында дәвам итте
Эльмира Шәрифуллинага Татарстан Дәүләт Советы рәисенең Рәхмәт хаты тапшырылды
Әтнәнең балалар бию төркемнәре республика һәм ил күләмендә таныла
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр

Мәдәният, Татар дөньясы

Тукай белән Пушкин, Исхакый белән Толстойны чагыштыру – ике якны да кимсетү – Р.Батулла

19 апрель 2017, 21:44 , Фото: Александр Эшкинин

Тукай белән Пушкин, Исхакый белән Толстойны чагыштыру – ике якны да кимсетү – Р.Батулла “Пушкинга караганда, Тукай ай-һай бөегрәк түгел микән әле?!” – ди язучы.

(Казан, 19 апрель, "Татар-информ", Гөлнар Гарифуллина). Татар язучысы Рабит Батулла, Габдулла Тукай белән Александр Пушкинны, Гаяз Исхакый белән Лев Толстойны чагыштыру дөрес түгел дигән фикердә. Бу хакта фикерен ул Казан федераль университетының Тataristica үзәге тарафыннан үткәрелгән “ХХI гасыр һәм Тукай” темасына дискуссия барышында белдерде.

“Тукай кем соң ул?” дип сораганда, без күп очракта хәбәрдар булмаган башка милләтләргә “ул безнең Пушкиныбыз” дибез. Исхакыйны “ул безнең Толстой” дибез. Мин бу чагыштыру ике якны да кимсетә дип уйлыйм, чөнки алар икесе ике биеклектә. Аларны чагыштырырга ярамый. Пушкин ул аристократ, ул хәерче түгел, аның торыр урыны, малы да бардыр. Ә Тукай бит башка. Толстой белән Пушкин “телебез, милләтебез бетә, динебезне сыталар” дип борчылмаганнар. Алар үз илләрендә рәхәтләнеп яшәгәннәр. Тукай белән Исхакый телне, динне саклап калу өчен көрәшкән. Берсе - төрмәдән төрмәгә йөргән, берсе - чирләшкәгә әйләнгән. Аларның бөеклеге шунда. Тукайның бөеклеге аерым, Пушкинныкы аерым, чөнки аларның шарты төрле. Хәтта мин әйтер идем: Пушкинга караганда, Тукай ай-һай бөегрәк түгел микән әле?! Чөнки Тукай асфальт белән тигезләнгән җирләрне бәреп чыккан шәхес. Бөтен сәнгатьтә Тукай. Тукай турында язмаган кеше юк. Сәнгатьнең бөтен күзәнәкләре Тукайда. Моны бөеклек дими, ни дисең?”, - дип белдерде Рабит Батулла.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10