ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
20 майның төп вакыйгалары - фото һәм сылтамалар
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды

Фән һәм мәгариф

Кайбыч балалар бакчасында юл хәрәкәте иминлеген чагылдырган макет ясау бәйгесе үткәрелде

13 апрель 2017, 04:00

Кайбыч балалар бакчасында юл хәрәкәте иминлеген чагылдырган макет ясау бәйгесе үткәрелде Нәтиҗәдә, беренче урынны Раил Вафин яулады.

(Кайбыч, 13 апрель, "Татар-информ", "Кайбыч таңнары", Ләйсән Саттарова). Кайбыч районының «Миләшкәй» балалар бакчасында юл хәрәкәте иминлеген чагылдырган макет ясау бәйгесе үткәрелде, дип яза район матбугаты.

“Миләшкәй” балалар бакчасында юл йөрү кагыйдәләрен өйрәтү буенча максатчан эш алып барыла. Тәрбиячеләр нәниләр белән иминлек дәресләре, инструктажлар, төрле спорт-⁠күңел ачу чараларын, конкурслар үткәрәләр, юл билгеләре белән танышу максатында урамга да чыгалар. Әле күптән түгел генә үткәрелгән юл хәрәкәте иминлеген чагылдырган макет ясау бәйгесендә дә балалар һәм аларның әти-⁠әниләре бик теләп катнашты. 

Әлеге бәйгегә өлкән һәм мәктәпкә әзерлек төркемнәренә йөрүче сабыйлардан егермедән артык эш кабул ителде, аларның һәрберсе үзенчәлекле итеп ясалган. Нәтиҗәдә, беренче урынны Раил Вафин яулады, икенче урынга Илсинә Хәмидуллина, өченчегә Зөләйха Хәмидуллина лаек булды. Аларга Мактау кәгазьләрен Кайбыч ЮХИДИе инспекторы Илфат Әхмәтов тапшырды. Макет ясап алып килгән калган балаларга да сертификатлар тапшырылды. Әлеге эшләр барысы да балалар бакчасындагы юл хәрәкәте иминлеге почмагында урын алды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10