ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Раил Садриев: Татар баласы өчен милли герой – татарча сөйләшкән ата-анасы
Азербайҗан татарлары Мәүлидне билгеләп үтәчәк
Казан һәм Санкт-Петербургта яңа туристик маршрут булдырыла
Әниләр көнендә Татарстанның Милли музеенда караоке һәм матурлык салоны эшләячәк
Васил Шәйхразиев җитәкчелегендә Татарстан делегациясе - Нижневартовск шәһәрендә

Авыл

Зәйдә көзге культураларны тукландыруга керештеләр

12 апрель 2017, 08:00

Зәйдә көзге культураларны тукландыруга керештеләр Агрегатлар туфрак җебегәнче дип иртәнге сәгать 2дән эшкә керешә.

(Зәй, “Татар-информ”,12 апрель “Зәй офыклары”, Рәзимә Кашапова). Узган атнада Зәй хуҗалыкларда кыр эшләренә техникалар әзерлеге каралса, бу атна башында район аграрийлары язгы кыр эшләрен башлап җибәрде. Көзге культураларны тукландыруга быел да беренчеләрдән булып “Нива” җаваплылыгы чикләнгән ширкәте кереште. Кыр эшләренә старт бирүдә район башлыгы Разиф Кәримов, авыл хуҗалыгы һәм азык-төлек идарәсе башлыгы Атлас Галиәхмәтов, идарә белгечләре, агрофирма һәм бүлекчә җитәкчеләре, агрономнар катнашты, дип яза район матбугаты.

Ширкәттә кырга аммиак селитрасын ике “Туман” агрегаты тарата. Агрегатны ашлама белән тәэмин итүдә өзеклек юк: ашлама 1 гектар мәйданга 1 центнер исәбеннән кертелә. Агрегатлар туфрак җебегәнче дип иртәнге сәгать 2дән эшкә керешә. Бер-ике көннән алар сафын өч очкыч тулыландырачак. Бу исә эшне күпкә тизләтергә мөмкинлек бирәчәк. Шунысы игътибарга лаек, быел яз үзенчәлекле, басуларда ерганаклар ярып гөрләвекләр акмый, эрегән кар суы туфракка сеңеп бара, моның белән ашлама чәчүлекләрдә тиз үзләштерелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр