ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Җәмгыять

“Могҗизалар кыры“ Әгерҗе шәкертләренең дини белемен сынады

4 апрель 2017, 01:00

“Могҗизалар кыры“ Әгерҗе шәкертләренең дини белемен сынады  Мәчеттә Якубовичның "Могҗизалар кыры"ндагы әйләнә торган рулетка һәм шакмаклы такта пәйда булгач, кызыксыну тагын да артты.

(Әгерҗе, 4 апрель, “Татар-информ“, “Әгерҗе хәбәрләре“). “Могҗизалар кыры“ Әгерҗе шәкертләренең дини белемен сынады. Әгерҗе районы Кырынды җирлегендәге Төрдәле мәчетендә олысы-кечесе дин сабагы өйрәнә, Коръән укый алучылар да шактый биредә. Бу дини кичә дә белемнәрне тикшерү, белгәнне ныгыту, онытканны искә төшерү максатыннан оештырылган иде, дип яза "Әгерҗе хәбәрләре" газетасы.

Кичәнең беренче өлешендә викторина сорауларына балалар да, олылар да, ярыша-ярыша җавап биреп, ислам дине нигезләре буенча белемнәре бай булуын күрсәттеләр. Әле күптән түгел Әгерҗенең “Нур“ мәчетендә узган бәйгедә кызлар арасында беренче урынны алган Исламия Сәлимгәрәева бу юлы да байтак сорауларга дөрес җавап бирде. Олылар арасында иң күп җавап бирүчеләр булып Зөлфирә Ахунова, Рәмзия Гайнетдинова, Сәлия Сөләйманова танылды.

Икенче өлештә кичәдә катнашучыларны чын сюрприз көтә иде. Мәчеттә Якубовичның “Могҗизалар кыры“ндагы әйләнә торган рулетка һәм шакмаклы такта пәйда булгач, кызыксыну тагын да артты. Катнашучылардан Коръәнне, хәдисләрне һәм мәзһәбләрне төгәл белү соралды. Финалда уенчы Илгиз Якуповның җиңүе, башка авыллардан аермалы буларак, Кырынды җирлегендә ир-атларның да дини белемгә күбрәк омтылуларын күрсәтте, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр