ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Татарстанның экология тәрбиясе юнәлешендәге иң алдынгы мәктәбе билгеле булды
"Күгәрченнәр белән кызыклы һәм маҗаралы аралашу" хәйрия акциясе Спас районында дәвам итте
Эльмира Шәрифуллинага Татарстан Дәүләт Советы рәисенең Рәхмәт хаты тапшырылды
Әтнәнең балалар бию төркемнәре республика һәм ил күләмендә таныла
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр

Авыл

Мөслимнең авыл хуҗалыгы хезмәтчәннәре язгы чәчүгә әзерләнә

2 апрель 2017, 05:00

Мөслимнең авыл хуҗалыгы хезмәтчәннәре язгы чәчүгә әзерләнә Район аграрийлары планнары белән министрлык вәкилен дә таныштырдылар.

(Мөслим, 2 апрель, "Татар-информ", "Авыл утлары", Мөнирә Арсланова). Мөслимнең авыл хуҗалыгы хезмәтчәннәре язгы чәчүгә әзерләнә. Бу көннәрдә алар ремонт эшләрен төгәлләү, тагылма коралларны агрегатлаштыру, комплектлау, минераль ашламалар туплау, басуларда эшләячәк техниканы механизаторлар белән тәэмин итү, чәчү структурасына һәм язгы кыр эшләренә кагылышлы башка кичектергесез мәшәкатьләр белән яна, дип яза районның "Авыл утлары" газетасы.

Район аграрийлары планнары белән министрлык вәкилен дә таныштырдылар. Татарстан Республикасы авыл хуҗалыгы һәм азык-төлек министры урынбасары Илдус Габдрахманов катнашында үткән киңәшмәдә хуҗалыклар язгы чәчү чорына эш планнары белән таныштырдылар.

– Күп кенә хуҗалыклар өчен мөһим ел, – диде район башлыгы Рамил Муллин. – Эшне фәнни һәм планлы нигездә алып барырга кирәк. Заман яңа технологияләр кулланып эшләүне таләп итә. Биотехнологик ресурслар кертүнең, пар җирләрен файдалануның кирәклеген барыбыз да аңлыйбыз.
– Быел республика игенчеләре алдында үсешне 10 процентка арттыру бурычы тора, – диде Илдус Габдрахманов.

Игенченең хезмәте елның ничек килүенә дә бәйле. Ел үзенчәлекләрен исәпкә алып эшләү, техник культуралар мәйданнарын арттыру, югары керем бирүче культураларга өстенлек бирү, орлык сыйфаты, техника әзерлеге һәм башка мәсьәләләргә кабат игътибар юнәлтелде. Язгы кыр эшләре башланганчы хәл итәсе бурычлар барланды. “Туган як”, “Намус”, “Урожай” һәм “Ык” җәмгыятьләре, “Исламов”, “Әюпов”, “Нуретдинов” “Авзалов” крестьян-фермер хуҗалыкларының эш планнары каралып,аларга кирәкле төзәтмәләр кертелде, эштә кулланма итеп алырлык фикер-тәкъдимнәр җиткерелде, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10