ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
Азнакайда 4 меңнән артык бала төрле лагерьларда ял итәчәк
Арча кызы КФУның “Каурый каләм” бәйгесендә Гран-при иясе булды
Республика программасы нигезендә Әтнә районы юлларын яктырталар
Кукмараның Туеш микрорайонында ачылган мәчет – районда 76нчы дин йорты
“Буа: диалог киңлегендә” фестивален Сергей Безруков спектакле тәмамлады

Мәдәният

Чүпрәледә "Без бергә" фестивале талантларны барлады

22 март 2017, 06:00

Чүпрәледә Барлык призерлар да җиңүче Дипломнары, фестивальдә катнашучы калган конкурсантлар катнашучы Дипломнары белән бүләкләнделәр.

(Чүпрәле, 22 март, "Татар-информ", "Туган як", Римма Мәүлетова). Чүпрәледә  "Талантлар планетасы" балалар иҗат йортында "Без бергә" балалар халык иҗаты республика фестиваль-конкурсының муниципаль этабы үтте, дип яза районның "Туган як" басмасы.

Фестиваль-конкурс ике яшь төркемендә: кече төркемдә 9-12 яшьлек укучылар, урта төркемдә 13-15 яшьлек укучылар хореография (халык, фольклор биюе), халык вокалы (соло), халык ансамбле (дуэт, трио, квартет, хор), инструменталь ансамбль (фольклор-инструменталь ансамбль, халык инструментлары ансамбле), әдәби уку (проза, поэзия, эпос), модалар театры номинацияләрендә көч сынаштылар.

Билгеле булганча, кешенең иҗади талантына чикләр юк. Фестивальдә катнашучы һәркем биредә үзен вокал осталыкта һәм биюдә генә түгел, шулай ук, мода күрсәтүдә дә сынап карады.

Фестивальдә катнашучы конкурсантлар милли киемнәрдән, костюмнардан иделәр. Әйтергә кирәк, аларның һәркайсының чыгышы югары дәрәҗәдә иде. Кыскасы, дүрт сәгатьтән артык вакытка сузылган чыгышлардан һәркем ял итеп, күтәренке кәеф алды. Әлбәттә, жюрига да җиңүчеләрне билгеләү җиңел булмады. Чөнки алар бик күп иде, һәр номинациядә берничә җиңүче булды.

"Хореография" номинациясендә "Капельки" ансамбле (Яңа Уби мәктәбе, кече төркем), "Дружба народов" ансамбле (1 номерлы Иске Чүпрәле, урта төркем), "Радость" бию төркеме (балалар иҗат йорты, урта төркем), "Искорка" бию төркеме (Матак, урта төркем), "Кәкерле яшьләре" бию төркеме (Иске Кәкерле, урта төркем), Кече Чынлы мәктәбенең бию төркеме, "Родничок" төркеме (Уби, урта төркем). "Халык вокалы" номинациясендә: Алинә Камалова (1 номерлы Иске Чүпрәле, соло), Сиринә Арсланова (Иске Шәйморза, соло), Лиана фәхретдинова (Иске Ишле, соло), Илгизә Айсина (Иске Чүпрәле башлангыч мәктәбе-балалар бакчасы, соло), Руслан Ахметов (Матак, соло), Рузилә Алиева (Зур Чынлы, соло), Илнур Шәйхаттаров (Иске Чокалы, соло), Валерия Юманова (Яңа Уби, соло), Анастасия Сердцева (Уби, соло), "Әдәби уку" номинациясендә: Равилә Җамалтдинова (1 номерлы Иске Чүпрәле), Эльза Хаярова (Зур Чынлы), Снежанна исаева (Зур Аксу), Әлфия Миначева (Иске Кәкерле). "Халык ансамбле" номинациясендә: "Домисолька" (1 номерлы иске Чүпрәле, кече төркем), Алия Ахмедова һәм Алмаз Миначев дуэты (1 номерлы Иске Чүпрәле, кече төркем), "Ләйсән" вокал төркеме (Марс мәктәбе, урта төркем), "Яз нуры" вокал ансамбле (балалар сәнгать мәктәбе, урта төркем), "Умырзая" вокал төркеме (Иске Шәйморза, урта төркем). "Инструменталь ансамбль" номинациясендә: Булат Амерханов (1 номерлы Иске Чүпрәле, соло), Уби мәктәбе инструменталь ансамбле, "Хелхем" ансамбле (Матак). "Мода театры" номинациясендә: 1 номерлы Иске Чүпрәле, урта төркем; Городище, урта төркем.

Барлык призерлар да җиңүче Дипломнары, фестивальдә катнашучы калган конкурсантлар катнашучы Дипломнары белән бүләкләнделәр.

Фествальга нәтиҗә ясап, район мәгариф бүлеге методисты Резедә Мөдәрисова бәйгедә катнашучы конкурсантларга һәм аларның җитәкчеләренә рәхмәтләрен җиткереп, киләчәктә дә уңышлар теләде, диелә район хәбәрендә.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10