ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов: “Машина төзү тармагында без дөрес юнәлештә эшлибез”
Президент киңәше буенча Oskar c7c5 төркеме исемен алыштыра
Оешмалар, вузлар, министрлыклар, Фәннәр академиясенең үзара эшчәнлеге кирәк – Президент
Рөстәм Миңнеханов республикада йөк ташу оешкан төстә координацияләнергә тиешлеген әйтте
Арча районының Кечкенә Өчиле авылы булган урында Г.Ахунов истәлегенә “Ахун чишмәсе” ачыла

Җәмгыять

Кубаньда Сириядә һаләк булган очучы Рәфәгать Хәбибуллин исемен мәңгеләштерделәр

20 март 2017, 20:53

Кубаньда Сириядә һаләк булган очучы Рәфәгать Хәбибуллин исемен мәңгеләштерделәр Ул дүшәмбе Краснодар краеның Кореновск шәһәрендә ачылды.

(Казан, 20 март, «Татар-информ»). Сириядә һаләк булган Россия Герое, 55-нче вертолет полкы командиры Рәфәгать Хәбибуллингә һәйкәл торгызылды. Ул дүшәмбе Краснодар краеның Кореновск шәһәрендә ачылды. Бу хакта “Интерфакс” төбәк хакимияиенең матбугат хезмәтенә сылтама ясап хәбәр итә.

"Мемориал 3 нче номерлы шәһәр мәктәбендә урнашкан. Әлеге белем йорты 2016 елның июленнән офицер исемен йөртә. Моннан тыш, һәйкәлнең миниатюр күчермәсен уку елы дәвамында мәктәпнең иң яхшы сыйныфына бирәчәкләр", – диелә хәбәрдә.

Һәйкәлне ачу Хәбибуллин җитәкчелек иткән 55 нче аерым вертолет полкындагы Кутузовның Севастополь ордены 75 еллыгына багышлана. Сәламләү юлламасында Краснодар крае губернаторы Вениамин Кондратьев очучы исеме – "чын хәрби батырлык һәм Ватанга тугрылык үрнәге", дип белдерде.

Исегезгә төшерәбез, 8 июль көнне россияле хәрби очучы-инструкторлар Рәфәгать Хәбибуллин һәм Евгений Долгин Сириянең Хомс провинциясендә сирияле Ми-25 вертолетында очканда “Ислам дәүләте” (ДАИШ, Россиядә тыелган) террорчылык төркеме һөҗүменә дучар була. Вертолет бәреп төшерелә. Ми-25 экипажы – очучы инструкторлар Рәфәгать Хәбибуллин һәм Евгений Долгин һәлак була.

Сириядә һәлак булган полковник Рәфәгать Хәбибуллин туган ягында – Ульяновск өлкәсе Иске Кулаткы районы Вязовый Гай авылында мөселман кануннары буенча җирләнде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр