ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Татарстан Президенты Анкарада яңа медицина комплексын карады
Казан волейболчы кызлары Европа чемпионатында җиңү яулады
Кырым күпереннән машиналар майның икенче яртысында йөри башлаячак
Чүпне аерып җыярга, эшкәртергә кирәк, калганын яндырмый хәлең юк - Әхмәт Мәзһәров
Татарстан Президенты Төркия Премьер-министры белән икътисади хезмәттәшлек турында сөйләште

Җәмгыять

Россия иң бәхетле илләр арасында 49нчы урынны били

20 март 2017, 13:51

Россия иң бәхетле илләр арасында 49нчы урынны били 20 март БМО тарафыннан Халыкара бәхет көне буларак билгеләп үтелә.

(Казан, 20 март, «Татар-информ»). Россия 2017 елда, былтыргыга караганда, җиде баскычка үсеп, иң бәхетле илләр арасында 49нчы урынны яулаган. Бу хакта БМО бүлекчәсе булган World Happiness Report докладында әйтелгән, дип җиткерә "Интерфакс".

Иң бәхетле илләрнең беренче унлыгына Норвегия, Дания, Исландия, Швейцария, Финляндия, Нидерландлар, Канада, Яңа Зеландия, Австралия һәм Швеция кергән. Рейтингны Руанда, Сирия, Танзания, Бурунди һәм Үзәк Африка республикасы төгәлли.

АКШ - 14, Бөекбритания - 19, Франция -  31, Германия 16нчы урында.

Рейтингны төзегәндә, экспертлар 155 илдәге тормыш дәрәҗәсен анализлаган. Алар кеше башына эчке тулаем продуктны, дәүләт тарафыннан гражданнарга күрсәтелүче социаль ярдәмне, гомер озынлыгын, тормыш өчен мөһим мәсьәләләрне үзлектән чишү иреген, юмартлык һәм ришвәткә карашны бәяләгән.

World Happiness Report докладын  БМО экспертлары беренче тапкыр 2012елда төзегән. Авторлар аның ярдәмендә дөнья җәмәгатьчелегенә, хөкүмәткә һәм төрле илләр бизнесына, шулай ук халыкка тормыш дәрәҗәсе сыйфатын яхшырту инструментларын тәкъдим итүгә өметләнә.

20 март БМО тарафыннан Халыкара бәхет көне буларак билгеләп үтелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10