ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Мөфти Илдар Мөхәммәдшин Эстониядә Беренче мәхәлләне татарлар оештырганын әйтте
Парламентта халыкның Татарстанда сәгать поясын алыштыру турындагы мөрәҗәгатен карадылар
“Мин татарча сөйләшәм!” акциясе быел унөченче тапкыр уздырыла
Татарстан Язучылар берлеге Габдулла Тукай туган көне уңаеннан тантаналы чараларга чакыра
24 апрельнең төп вакыйгалары - фото һәм сылтамалар

Җәмгыять

Азнакайның иң яшь радисөючеләрен бүләкләделәр

20 март 2017, 23:00

Азнакайның иң яшь радисөючеләрен бүләкләделәр Азнакай аэродромы территориясендә урнашкан радиотүгәрәктә 120 гә якын бала шөгыльләнә.

 (Азнакай, 20 март, “Татар-информ”, “Маяк”, Дилә Шакирова). Азнакай район балалар китапханәсендә 7 нче мәктәпнең һәм 4 нче лицейның 4 нче сыйныф укучылары өчен радио уйлап табучы А.С.Поповның туган көне уңаеннан чара узды, дип яза районның "Маяк" газетасы.

Радио белән Азнакайда да кызыксыналар. Аэродром территориясендә урнашкан радиотүгәрәк эшчәнлеге белән аның җитәкчесе Ринат Вәлиев таныштырды. Биредә 120 гә якын бала шөгыльләнә. Алар башка шәһәрдәге яшьтәшләре белән генә түгел, хәтта космик киңлекләргә элемтәгә чыгалар. Чара барышында иң активларын бүләкләп тә уздылар.

Район башкарма комитеты җитәкчесенең социаль мәсьәләләр буенча урынбасары Дамир Гыйләҗев балаларны техник иҗатка тартуда радиотүгәрәк эшчәнлегенә уңай бәя бирде.

Санкт-Петербургтагы А.С.Попов мемориаль музеннан килгән хатта да RZ4PXO коллектив яшьләр радиостанциясен хуплап язганнар һәм аны Азнакайның визит карточкасы дип таныганнар. Музей шулай ук район үзәк һәм балалар китапханәләренә илебез радиосы тарихы турында кызыклы китаплар да тапшырган, диелә район газетасы хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10