ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Мөфти Илдар Мөхәммәдшин Эстониядә Беренче мәхәлләне татарлар оештырганын әйтте
Парламентта халыкның Татарстанда сәгать поясын алыштыру турындагы мөрәҗәгатен карадылар
“Мин татарча сөйләшәм!” акциясе быел унөченче тапкыр уздырыла
Татарстан Язучылар берлеге Габдулла Тукай туган көне уңаеннан тантаналы чараларга чакыра
24 апрельнең төп вакыйгалары - фото һәм сылтамалар

Сәясәт

Ана капиталын автомобиль сатып алуга тотарга тәкъдим итәләр

20 март 2017, 11:55

Ана капиталын автомобиль сатып алуга тотарга тәкъдим итәләр Канун проекты, ана капиталын автомобиль сатып алуга берничә категория гаилә исәп тота ала, дип белдерә.

(Казан, 20 март, «Татар-информ»). Дәүләт Думасына ана капиталын куллану мөмкинлекләрен киңәйтүче канун проекты кертелгән. Ана капиталын автомобиль сатып алуга тотарга тәкъдим итәләр. Әмма Россиядә җыелганына гына.

Гаиләгә социаль ярдәм программасы – ана капиталы 2007 елда старт алган иде. Ун ел эчендә 7,3 миллионнан артык Россия кешесе ана капиталына дәүләт сертификаты алды. Узган ел гына да 600 мең сертификат тапшырылган. Әлеге программага шушы вакыт эчендә триллион сумнан артык акча тотылган.

Алган акчаларны күпчелек гаиләләр торак шартларын яхшыртуга тоткан: әлеге вариантны 4,1 миллион гаилә сайлаган. Белем алуга 335 мең һәм пенсиянең туплау өлешенә 3,2 мең гариза кергән. Акчаларны тулысынча гаиләләрнең 54,3 проценты гына тоткан. Калганнар ана капиталын нәрсәгә тотарга кирәклеген сайламаган әле.

Канун проекты, ана капиталын автомобиль сатып алуга берничә категория гаилә исәп тота ала, дип белдерә. Алар – гаиләгә бала алганнар, инвалид һәм күп бала тәрбияләүчеләр.

"Нәкъ менә алар башкаларга караганда өстәмә дәүләт ярдәменә мохтаҗ һәм автомобиль сатып алу балалар тәрбияләүдә ярдәм булачак", – дип белдерә канун проектын эшләүчеләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10