ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
Биткоин 25 процентка кадәр арзанайган
Татарстан 2017 елның хезмәт хаклары рейтингында тугызынчы урында тора
Коръәннең аудио-версиясе кабат чыгарылды
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты

Җәмгыять

Кайбыч район Советының утырышы авыл халкының хезмәт активлыгын күтәрүгә багышланды

18 март 2017, 04:00

Кайбыч район Советының утырышы авыл халкының хезмәт активлыгын күтәрүгә багышланды
Утырышта ТР авыл хуҗалыгы һәм азык-⁠төлек министрының икътисад һәм аграр үзгәрешләр буенча урынбасары Ришат Хәбипов катнашты.

(Кайбыч, 18 март, "Татар-информ”, “Кайбыч таңнары”, Луиза Сөнгатуллина). Кайбыч район Советының утырышы авыл халкының хезмәт активлыгын күтәрүгә багышланды. Анда ТР авыл хуҗалыгы һәм азык-⁠төлек министрының икътисад һәм аграр үзгәрешләр буенча урынбасары Ришат Хәбипов катнашты, дип яза районның "Кайбыч таңнары" газетасы.

Башкарма комитет җитәкчесенең икътисад мәсьәләләре буенча урынбасары Эльвира Заһидуллина узган ел шәхси эшмәкәрлекне, урта һәм кече бизнесны үстерү юнәлешендә алып барылган эшчәнлеккә җентекле анализ ясады, бу елга куелган бурычлар белән таныштырды.

– Авыл халкына шәхси хуҗалыкларын үстерү өчен бирелүче дәүләт ярдәме турында сөйли башлагач, кайберәүләрдән “Юк, безнең ишеләргә каралмаган инде ул андый ярдәм, барысы да үз кешеләргә генә” дигән сүзләр ишетергә туры килә. Әйе, районда яшәүче һәр кеше безгә үз, барысы да үзебезнеке, Кайбычның хезмәт сөючән халкы. Программа ярдәмендә мини-ферма төзүчеләр – Кошманнан Борһановлар, Ульянководан Дементьевлар, Олы Тәрбиттән Исаевлар, Олы Урсактан Мофазалловлар, Мөхәммәтҗановлар һәм башкалар шундый эшсөярләр. Узган ел гына да шәхси хуҗалыкларны үстерүгә республика бюджетыннан 11 миллион сумнан артыграк акча бүлеп бирелгән. Хөкүмәт ярдәменнән аеруча Чүти һәм Олы Урсак авыл җирлекләрендә яшәүчеләр актив файдаланды. Аларда сигезәр сыерга исәпләнгән дүртәр мини-ферма сафка басты, – диде ул.

Ришат Хәбипов әйтеп узганча, авыл ул – агробизнес алып бару өчен мөмкинлекләре зур булган җирлек кенә түгел, ә һәр дүртенче татарстанлының яшәү рәвеше дә. Ул эшмәкәрләрнең сорауларына җавап бирде. Район башлыгы Альберт Рәхмәтуллин Кайбычта эшмәкәрлекне үстерү буенча уңай микроклимат тудырылуы турында конкрет мисаллар китереп сөйләде. Утырышта Олы Урсак авыл җирлеге башлыгы Габбас Зиннәтуллин, Борындыктан шәхси ярдәмче хуҗалык башлыгы Хәерниса Маматкулова, Олы Кайбычтан шәхси эшмәкәр Зөфәр Гобәев эшчәнлекләре турында чыгыш ясады, диелә район хәбәрендә.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр