ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Марат Әхмәтов: Финанс авырлыкларга карамастан, Татарстанда күпчелек хуҗалыклар чәчүгә әзер
Васил Шәйхразиев Нижневартовскида татар балалары укыган мәктәптә булды
Мәскәүнең татар зыялылары клубында "Очраштыра язлар дусларны" кичәсе узды
Фатих Сибагатуллин татар матбугатында кызыксындыру җитми дип саный
Татарстанда һава торышы бозыла

Икътисад

Иң арзан Европа тур юнәлешләре билгеле булды

6 март 2017, 11:31

Иң арзан Европа тур юнәлешләре билгеле булды  Россиядән Европага сәяхәт итүчеләр өчен быел яз иң арзанлы юнәлеш булып Мәскәү – Мюнхен маршруты аталган.

(Казан, 6 март, «Татар-информ»). Россиядән Европага сәяхәт итүчеләр өчен быел яз иң арзанлы юнәлеш булып Мәскәү – Мюнхен маршруты аталган. Бу хакта "Туту.ру" туристлык сервисы аналитиклары хәбәр иткән, дип белдерә "Российская газета".

Экспертлар портал аша марттан май аена кадәр броньланган барлык авиабилетларны анализлаган. Нәтиҗәдә, Мюнхенга барып кайту уртача 15,4 мең сумга төшә.

Европага сәяхәт итүчеләр өчен арзанлы булып икенче урынга Вена чыккан, биредәге күрсәткеч 15,8 мең сум. Өчлекне Черногориядәге Тиват төгәлли. Яз көне Мәскәүдән бирегә очу 16,2 мең сум торачак.

Прагага авиабилет өчен 16,5 мең сум түлисе була. Санкт-Петербургтан Прагага очуны экспертлар 17,6 мең сумга бәяләгән. Мәскәүдән Миланга, Амстердамга, Рим, Ларнака (Кипр) һәм Лондонга барып кайту да язын кыйммәткә төшми икән.

Якындагы чит илләргә очуда арзан бәяләр буенча лидер Мәскәү – Минск маршруты дип табылган, ул 5 меңнән кыйммәткә чыкмый.

Туристлык тармагы вәкилләре фикеренчә, популяр Европа шәһәрләренә сәяхәткә май бәйрәмнәренә билетларны март башында алып куярга кирәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10