ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
"Рубин" Тулада "Арсенал" белән тигез исәпкә уйнады
Губкин исемендәге университетта укучы татар студентлары милли мәдәният көнен бәйрәм итте
18 ноябрьнең төп вакыйгалары - фото һәм сылтамалар
Альбина Шаһиморатова әтисенең концертында катнашу өчен Казанга махсус кайтты
"Зенит" волейбол командасының Чемпионнар лигасында көндәшләре билгеле булды

Мәдәният

Азнакай шәһәре музеенда кул эшләре күргәзмәсе эшли

4 март 2017, 09:00

Азнакай шәһәре музеенда кул эшләре күргәзмәсе эшли Әлеге күргәзмә музейда бер ай дәвамында барачак.

(Азнакай, 4 март, “Татар-информ”, “Маяк”, Лиза Нурлыева). Азнакай шәһәренең мәдәни үзәгендә эшләп килүче «Иҗат тәгәрмәче» («Карусель творчества») рәсем һәм декоратив - гамәли сәнгать түгәрәгенә йөрүче физик мөмкинлекләре чикле балалар биредә әниләре ярдәмендә үз куллары белән сәнгать эшләнмәләре ясарга өйрәнәләр, дип яза районның “Маяк” газетасы.

Түгәрәк җитәкчесе Венера Лотфуллина бик теләп аларны чигәргә, рәсем, декоратив әйберләр ясарга өйрәтә. Матурлыкны тоеп, мавыгып иҗат дөньясына чумган балалар авыруларын бер мәлгә онытып торалар. Еш кына биредә аларның эшләнәмәләре күргәзмәләре дә оештырыла. Шуның чираттагысы төбәкне өйрәну музеенда уздырылды. Төрле төстәге җепләр белән чигелгән салфеткалар, табигый материалдан эшләнгән сувенирлар, рәсемнәр, агачка уеп ясалган картиналар күз явын алырлык. Аларны күрергә килгән һәркем онытылмас кичерешләр алып, соклануын белдереп китә.

Әлеге күргәзмә музейда бер ай дәвамында барачак, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр