ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
20 майның төп вакыйгалары - фото һәм сылтамалар
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды

Спорт

Әтнәдә гаиләләр арасында спорт бәйгесе узды

24 февраль 2017, 01:00

Әтнәдә гаиләләр арасында спорт бәйгесе узды “Әти-әни һәм мин спортны яратучы гаилә” дип исемләнгән спорт бәйгесендә 8 авыл җирлегеннән гаиләләр катнашты.

(Әтнә, 24 февраль, "Татар-информ", “Әтнә таңы”). Ватанны саклаучылар көне уңаеннан "Ашыт" спорт үзәгендә "Әти-әни һәм мин, спорт яратучы гаилә" дип исемләнгән спорт бәйгесе булып узды. Олы Әтнә, Күәм, Комыргуҗа, Түбән Бәрәскә, Күлле Киме, Түбән Көек, Югары Сәрдә, Олы Мәңгәр авыл җирлекләреннән килгән гаиләләр үзара көч сынаштылар, дип хәбәр итә районның “Әтнә таңы” газетасы.

Гаиләләр төрле спорт төрләреннән үзләрен сынадылар. Викторина, рәсем бәйгесе, ату, автоматны сүтеп җыю, дартска тидерү, эстафета, гер күтәрү, аркан тарту кебек ярышларда көч сынашып,  концерт номерлары да күрсәттеләр.

 Ярышта Олы Әтнә авыл җирлегеннән катнашкан Латыйповлар гаиләсе - берече, Комыргуҗа авылыннан Сибагатулиннар - икенче, Түбән Көектән Кадимовлар өченче урынга лаек булдылар. Олы Мәңгәр авыл җирлегеннән Шакировлар, Күлле Кимедән Сабировлар, Күәмнән Хәкимовлар, Югары Сәрдәдән Җиһангировлар, Бәрәскәдән Сибгатулиннар гаиләләре дә бик матур уеннар, дип язалар басма матбугатта.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10