ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Җәяүлеләр кичүендә машина бәрдергән 19 яшьлек кыз Казан хастаханәсендә вафат булган
"Шыгырдан сөйләшүе" форумында катнашучыларны Чуваш Республикасы башлыгы сәламләде
“Котадгу белег”не затлы китап итеп чыгарырга кирәк — Хатыйп Миңнегулов
Татарстанда Чишмә елгасы пычрану очрагы буенча җинаять эше кузгатылган
Татарстанда “Театр – балаларга” проекты эшли башлый

Мәдәният

Зәйдә заманча кинозал ачылды

22 февраль 2017, 09:00

Зәйдә заманча кинозал ачылды Аны тантаналы төстә ачуда катнашкан Татарстан Республикасы Дәүләт Советы депутаты Илшат Әминов катнашты.

(Зәй, 22 февраль, “Татар-информ”, “Зәй офыклары”, Энҗе Әгъләмова). Зур төзекләндерү эшләре үткәрелгәннән соң, Зәйнең “Космос” яшьләр үзәге кабат ишекләрен ачты, дип хәбәр итә районның “Зәй офыклары” газетасы.

Зәйлеләр өчен ул көтеп алынган вакыйга булды. Аны тантаналы төстә ачуда катнашкан Татарстан Республикасы Дәүләт Советы депутаты Илшат Әминов мәдәният учаклары гөрләгән урында сәнгать тә, иҗат та гөрли, яшәү рәвеше дә мәгънәлерәк була бара, яшьләребез югары зәвыклы итеп тәрбияләнә, дип ассызыклады. Ә район башлыгы Разиф Кәримов зәйлеләрне заманча кинотеатрда фильмнар карап кинәнергә чакырды.

- Зәй җирлегендә яшәүчеләр күрше-тирә шәһәр халкыннан ким түгел, шуңа да без тиз арада 3D фильмнар карау мөмкинлеге булган бина булдыруга бөтен көчне куйдык. Ике ай эчендә яшьләр үзәгенең эчке ягы тулысынча үзгәртелеп, заманчалаштырылды. Без моның өчен республика җитәкчелегенә дә, үзебезнең төзүчеләргә дә зур рәхмәтле, - диде ул.

Бинаның эчендә хәзер 100 кеше сыйдырышлы кино залы, кафе, киенү-чишенү бүлмәләре бар. “Космос” яшьләр үзәген зур күләмле үзгәртеп коруга Россиядә Кино елы кысаларында игълан ителгән 100 мең кешегә кадәр булган торак пунктларда кинофикация махсус программасы буенча грант оту сәбәпче булды. Нәтиҗәдә Россия мәдәният министры һәм илебез кинематографиясен социаль, икътисади яклау буенча эшләүче “Кино фонды” тарафыннан 5 миллион сум акча бүлеп бирелде, ул исә 3D форматта кино карау мөмкинлеге бирүче җиһазлар алуга тотылды. Ә республика бюджетыннан бүленгән 10 миллион сумга бинаның эчке ягы заманчалаштырылды. Алдагы елда җирле бюджет хисабына тышкы яктан төзекләндерелгән “Космос” танымаслык булып үзгәрде. Шулай итеп, хәзер зәйлеләр күрше-тирә шәһәрләргә бармыйча гына, биредә 3D форматында кино карый алачак. Районда игълан ителгән Балалар һәм яшьләр елында заманча үзгәртелгән “Космос” яшьләр үзәге ачылу елга үзенчәлек, аерым мәгънә өстәде, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр