ҺАВА ТОРЫШЫ +16 oC

Яңалыклар

барлык хәбәрләр Татарстан Россия
МӨҺим
Мәскәүдә башкорт телен яклап концерт куйганнар
Татарстан спортчылары Австриядә стендта ату буенча көмеш медаль яулады
Казанда һәм Питрәчтә җир урлаган өчен биш кешене хөкем итәләр
РФ Республикалары туган телне ихтыяри өйрәнү буенча ТР Дәүләт Советы мөрәҗәгатен хуплады
Теләче районы өч көннән язгы чәчү эшләрен төгәлләргә ниятли

Фән һәм мәгариф

Актаныш укытучыларына аркан тартышуда тиңнәр табылмады

20 февраль 2017, 05:00

Актаныш районында Татарстан мәгариф хезмәткәрләренең 2017 елгы Кышкы спартакиадасы төгәлләнде.

(Актаныш , 20 февраль, "Татар-информ", "Актаныш таңнары"). Актаныш районында Татарстан мәгариф хезмәткәрләренең 2017 елгы Кышкы спартакиадасы төгәлләнде, дип яза районның "Актаныш таңнары" газетасы.

Чарада Татарстан Республикасы Премьер-министр урынбасары – Татарстан мәгариф һәм фән министры Энгель Фәттахов үзе дә катнашты. Энгель Фәттаховның спартакиаданы ачу тантанасында: “Мин министр булганда елга ике тапкыр җәйге һәм кышкы спартакиадалар үткәреләчәк, спорт белән системалы шөгыльләнергә кирәк”, - дигән фикерен бик күпләр сөенеп кабул итте.

Актанышта узган республика спартакиадасында 49 районнан килгән мең ярымлап укытучы, тренер, директор һәм мәгариф идарәсе җитәкчеләре чаңгыда, тимераякта узышты, волейбол, теннис уйнады, ә иң-иң көчлеләре турникта тартылды, тирләп-пешеп аркан тартты.

Чыннан да спартакиаданың иң күңелле мизгелләренең берсе командаларның аркан тартышуы иде. Көндәлек эшчәнлекләрендә җитди булган укытучыларның шуның кадәр бирелеп бер-берсенә көч биреп торуларын күзәтү –үзе бер манзара булды. Бу мизгелдә инде алар өчен дәресләр дә, язылачак планнар да, киләсе тикшерүләр дә онытылды.

Бу төр ярышта беренче төркемдә Актаныш командасы беренче урынны яулады, икенче урында – Тукай, өченче урында Мөслим районы командасы. Икенче төркем командалар арасында беренчелек Саба командасына бирелде, икенче урында – Яр Чаллы, өченче урында - Кукмара районы командасы, диелә район хәбәрендә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10