ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Альбина Нәфыйкова: Казан фестиваленә шәригать чикләрен узмаган кинолар гына кертелә
Төркиядә ай ярым эчендә Россиядән 36 бала Коксаки вирусы йоктырган
22 августның төп вакыйгалары - фото һәм сылтамалар
Марсель Сәлимҗановның туганнан туганы Буа театры лабораториясендә катнаша
Зәй районында бер йорт түбәсе ишелгән

Дин

Болгар ислам академиясендә татар дин галимнәре хезмәтләре өйрәнеләчәк

17 февраль 2017, 17:26 , Фото: Салават Камалетдинов

Болгар ислам академиясендә татар дин галимнәре хезмәтләре өйрәнеләчәк Яңа ачылачак дини уку йортында бу юнәлештә факультет яки бүлек ачу күздә тотыла.

(Казан, 17 февраль, “Татар-информ”, Лилия Локманова). Болгар ислам академиясендә татар дин галимнәрен, аларның хезмәтләрен өйрәнә торган факультет яки бүлек булачак. Бу хакта бүген Галимҗан Барудиның тууына 160 ел тулу уңаеннан үткәрелә торган фәнни-гамәли конференция ачылышыннан соң Татарстан мөселманнары Диния нәзарәте рәисе, мөфти Камил хәзрәт Сәмигуллин хәбәр итте.

“Безгә элек язылган китапларыбызны өйрәнергә кирәк. Быел без Галимҗан Баруди елы дип игълан иттек, чөнки аның тууына 160 ел тула. Аның хезмәтләрен таптык, өйрәндек”, – диде Камил хәзрәт Сәмигуллин журналистлар белән аралашу барышында.

Мондый тәкъдимне конференциядә катнашучыларга Мәскәү, Россия үзәк төбәге һәм Чувашия Республикасы мөфтие, Россия мөселманнары дини шурасы җитәкчесе Әлбир хәзрәт Крганов та җиткерде. 

“Галимҗан Баруди мирасын студентларга җиткереп кенә белем бирү йортларының дәрәҗәсен күтәрә алачакбыз. Чөнки теләсә кайсы милләт, дин һәм ышанудан башка юкка чыгачак. Без бу мәсьәләне Болгар ислам академиясе чишәргә ярдәм итәр дип өметләнәбез. Шул сәбәпле, академиядә Россия мөселманнарының рухи һәм мәдәни мирасын өйрәнә торган бүлек ачарга тәкъдим итәм”, – дип фикерен җиткерде Ә.Крганов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр