ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
Татарстан авылларындагы күпбалалы гаиләләргә ярдәм йөзеннән онлайн-киңәшмәләр уздырылачак
Мәскәүдә тарихчы Габделхан Әхтәмҗанның яңа китабы тәкъдим ителде
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак

Җәмгыять

Уфада тәмәке тартуын ташлаучыларга тренажер залына абонемент бүләк итәләр

17 февраль 2017, 14:59

Уфада тәмәке тартуын ташлаучыларга тренажер залына абонемент бүләк итәләр Бүләкләр саны чикле һәм ихтыяр көче зур булганнарга гына эләгәчәк.

(Казан, 17 февраль, «Татар-информ»). Уфада тәмәке тартудан баш тартучыларга тренажер залына абонементлар бүләк итәргә ышандыралар. Тартучыларның тәмәке кабын сөткә йә сокка алыштырырга тәкъдим итәләр. Әлеге акцияне мәгълүм бер хәйрия фонды уйлап тапкан.

«Россия – күпчелек гражданнар тәмәке тартучы ил. Кемдер мәктәп елларыннан ук, кемдер өлкәнәйгәч тарта башлый. Ә бит тәмәке тарту иртә үлем сәбәпләренең берсе», – ди фонд вәкиле Руслан Бәдретдинов.

Шул рәвешле алар тартучыларны үзләренә килергә һәм тәмәкеләрен  сөткә алыштырырга тәкъдим итә. Ә инде тартуны бөтенләй ташлаучыларга Уфа тренажер залларының берсенә абонемент бүләк итәчәк. Бүләкләр саны чикле, ди.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10