ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
"Ак Барс" хоккейчылары Мәскәүнең "Динамо" командасын тар-мар итте
Рөстәм Миңнеханов Россия оборона министры урынбасары белән хезмәттәшлек турында фикерләште
Балаларны татарчага өйрәтә торган "Tatar baby" сайты һәм паблигы яңартылачак
Россия чемпионатында Татарстанның 6 көрәшчесе алтын медаль яулаган
Зиннәтулла Билалетдинов Йолдызлар матчында Харламов дивизионын җитәклиячәк

Фән һәм мәгариф

Казан мәктәбе укучылары Парижга укырга китәргә мөмкин

16 февраль 2017, 20:30 , Фото: metshin.ru

Казан мәктәбе укучылары Парижга укырга китәргә мөмкин Татарстан һәм Франция башкалалары мәгариф өлкәсендә хезмәттәшлек итәчәк.

(Казан, 16 февраль, «Татар-информ», Алексей Анисимов). Казан мәктәбе укучылары алмашу программасы  буенча Парижга укырга китәргә мөмкин, ә аларның француз яшьтәшләре киресенчә, бирегә килергә. Бу хакта Казан мэры Илсур Метшин белән очрашканнан соң Париж мэры Анн Идальго хәбәр итте.

«Очрашу нәтиҗәләре бик уңай булды. Безнең идеяләр күп һәм безне нәтиҗәле хезмәттәшлек көтә. Париж һәм Казанны күп темалар берләштерә, хезмәттәшлек өчен юнәлешләр күп. Казанда күп төрле дин кешеләре тату яши, бу безнең өчен искиткеч мисал. Ул бөтендөнья өчен файдалы. Әлеге идея буенча да хезмәттәшлек буенча төрле юнәлешләр бар. Казан һәм Париж укучыларын алмашып укыту мәгариф өлкәсендә хезмәттәшлекне ныгытачак.

Моннан тыш, Казан һәм Париж тормышында зур урынны спорт алып тора. Ике шәһәр өчен дә тәҗрибә алышу мөһим: 2016 елда Париж Европа чемпионатын кабул итте, 2017 – 2018 елларда Казан эре турнирлар кабул итәчәк. Париж 2024 елда Олимпия уеннарын үткәрү өчен көрәшәчәк, шунлыктан Казанда узган Универсиада һәм су төрләре буенча дөнья чемпионаты тәҗрибәсе безгә бик кирәк булачак. Билгеле, туризм һәм икътисади өлкәне үстерү буенча да хезмәттәшлекне алып барачакбыз. Парижлыларның күбесе үзләре өчен сезнең шәһәрне ачачагына мин ышанам», – дип билгеләп үтте Идальго.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр