ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Мәскәүдә тарихчы Габделхан Әхтәмҗанның яңа китабы тәкъдим ителде
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак
Мамадышта Мансур Шиһапов истәлегенә багышланган бәйгедә яшь иҗатчыларны бүләкләделәр

Җәмгыять

"ЮВТ Аэро" авиакомпаниесе 2017 елда 15 субсидияләнгән маршрут буйлап очачак

16 февраль 2017, 19:16

Ел башы белән чагыштырганда бу 3 маршрутка артыграк.

(Казан, 16 февраль, "Татар-информ").  "ЮВТ Аэро" авиакомпаниесе 2017 елда 15 субсидияләнгән маршрут буйлап очачак, дип хәбәр иткәннәр ТАСС агентлыгына авиакомпания матбугат үзәгендә.

Ел башы белән чагыштырганда бу 3 маршрутка артыграк. 15 февральдән Казан - Пермь - Казан, 1 марттан Казан - Түбән Новгород - Казан, Пермь - Самара

 - Пермь юнәлешләре буенча маршрутлар ачыла.

Әлеге маршрутларны ачу субсидияләү программасын үтәүнең беренче аенда бюджет средстволарын экономияләү хисабына мөмкин булган. Барлык рейслар да Татарстан Республикасының, Самара, Түбән Новгород hәм Пермь өлкәләренең җирле бюджетыннан өстәмә финанслана. 

"ЮВТ Аэро" авиакомпаниесе пассажирлар йөртүнең регуляр рейслары белән шөгылләнә. Ул Казан hәм Бөгемә шәhәрләреннән очышлар ясый. Авиакомпание паркында 50 урынлы 7 Bombardier CRJ-200 самолетлары бар. 2018 елда компания 100 урынга исәпләнгән яңа типтагы 3 Bombardier самолетларын сафка кертергә сертификат алырга планлаштыра.

Росавиация мәгълуматларына караганда авиакомпания 2016 елда 207, 97 кеше йөрткән. Бу сан 2015 ел белән чагыштырганда 4,9 тапкырга күбрәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10