ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Раил Садриев: Татар баласы өчен милли герой – татарча сөйләшкән ата-анасы
Азербайҗан татарлары Мәүлидне билгеләп үтәчәк
Казан һәм Санкт-Петербургта яңа туристик маршрут булдырыла
Әниләр көнендә Татарстанның Милли музеенда караоке һәм матурлык салоны эшләячәк
Васил Шәйхразиев җитәкчелегендә Татарстан делегациясе - Нижневартовск шәһәрендә

Фән һәм мәгариф

Азнакайның лицей командасы JuniorSkils ярышларынан җиңү яулап кайтты

8 февраль 2017, 23:00

Азнакайның лицей командасы JuniorSkils ярышларынан җиңү яулап кайтты Ислам Ибәтуллин, Альбина Әхмәтова 10+ яшь категориясендә – беренче, Мансур Нуриев, Раил Сабиров 14+ яшь категориясендә икенче урынга лаек булдылар.

(Азнакай, 8 февраль, “Татар-информ”, “Маяк”, Резеда Шәрипова). Казанда «Яшь һөнәрманнар» (WorldSkills Russia) төбәк чемпионаты кысаларында узган JuniorSkils ярышларынан Рөстәм Сәитов җитәкчелегендә Азнакайның 4 нче лицее командалары «Прототиплаштыру» компетенциясендә җиңү яулап кайттылар. Ислам Ибәтуллин, Альбина Әхмәтова 10+ яшь категориясендә – беренче, Мансур Нуриев, Раил Сабиров 14+ яшь категориясендә икенче урынга лаек булды, дип яза районның "Маяк" газетасы.

– Конкурс 4 көнгә исәпләнсә дә, балалар биремнәрне 3 көндә эшләделәр, һәр көнне 4 сәгать урынына 6шар сәгать шөгыльләнергә туры килде. Сынатмадылар, түзделәр. Нәтиҗәдә, без Бөтенроссия милли чемпионатына уздык, – ди Рөстәм Сәитов.

Команда моңа кадәр дә уңышлары белән куандырган: Санкт- Петербургта узган ачык чемпионатта, Казанда челтәрле ярышларда да җиңүгә ирешкәннәр.

Раил Сабиров белән Мансур Нуриев «Прототиплаштыру» түгәрәгендә икенче елын шөгыльләнәләр. Ә менә Ислам командага 3-4 ай, Альбина – бер ай элек кенә килгән һәм ярышларга да әзерлеге 1 атна гына булган.

Хәзер исә бөтен көчләрен Бөтенроссия чемпионатына әзерлеккә юнәлдерәчәкләр. Моның өчен мөмкинлекләр җитәрлек: 4 нче лицей базасы республикада иң яхшылардан исәпләнә. Ярышларда 1 млн сумлык грант отып оештырылган түгәрәк ул. Чемпионаттан да 50 мең сумнан артыклык өстәмә җиһазлар белән бүләкләнеп кайтканнар.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр