ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
20 майның төп вакыйгалары - фото һәм сылтамалар
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды

Җәмгыять

Менделеевск районының Бәзәкә авылында боз астыннан балык тоту ярышына җыелдылар

8 февраль 2017, 03:00

Чараны Мәдәният йорты хезмәткәрләре оештырды.

(Менделеевск, 8 февраль, “Татар-информ”, “Менделеевск яңалыклары”). Узган якшәмбедә ялларда бәзәкәлеләр боз астыннан балык тоту ярышына җыелдылар, дип яза “Менделеевск яңалыклары” газетасы.

Аларны хәтта 27 градуслы салкын да куркытмады. Чараны Мәдәният йорты хезмәткәрләре оештырды.

Чулман буенда яшәүче салалыларның балык тоту каннарына сеңгән. Шуңа күрә ярышырга яше дә, карты да теләк белдерде. Илназ Кашаповка 11 генә яшь булса, Камил Гыйльфановка 63 яшь иде. Хатын-кыз-катнашучылар арасында Ләйсән Сибгатуллина аерылып торды, Рәзилә Хисаметдинова барысыннан да җитезрәк бәке тиште.

Хуплау төркеме ярышчыларга көч биреп кенә калмады, аларга җырлар да багышлады.

Иң күп балык тотып, Ришат Фәтхуллин беренчелек яулады, икенче урында – Илназ Кашапов, өченче – Рөстәм Хәбибуллин. Алар иганәче Рамил Таҗиевтан балыкчылар һәм аучылар өчен термокиемнәр алдылар, катнашучыларга дипломнар тапшырылды. Авыл халкы таралырга ашыкмады: инеш өстендәге боз өсте уен кырына әверелде, диелә район хәбәрендә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10