ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Татарстанда азык-төлек сыйфатын арттыру буенча совет эшли башлый
Апанай мәчетендә Мәүлид мәҗлесе уздырыла
Коткаручылар, Казандагы бер фатирда газ чыгуын ачыклап, фаҗигане булдырмый калды
Роспотребнадзор Татарстанда үз хокукларын нәтиҗәле яклаган кулланучыны бүләкли
Шагыйрь Ленар Шәех ”OEBF-2017” Евразия китап форумында җиңү яулаган

Авыл

Чирмешәндә сөтчелек тармагы күрсәткечләре түбән

7 февраль 2017, 22:00

Чирмешәндә сөтчелек тармагы күрсәткечләре түбән Район хуҗалыклары арасында, 1 февральга алынган мәгълүматлар буенча, бер сыерга иң күп сөт “Якимова Ю.Г.” крестьян-фермер хуҗалыгында савыла.

(Чирмешән,7 февраль, “Татар-информ“, “Безнең Чирмешән”, Гөлсирә Шәрифуллина). Республиканың Авыл хуҗалыгы һәм азык-төлек министрлыгында районнарның авыл хуҗалыгы һәм азык-төлек идарәләре башлыклары, белгечләре һәм кайбер хуҗалыклар җитәкчеләре катнашында узган киңәшмәдә Чирмешән районы адресына байтак тәнкыйть сүзләре яңгыраган, дип яза районның “Безнең Чирмешән”газетасы.

-Мактанырга урын да юк, бүген район хуҗалыклары нибары 12 тонна сөт җитештерә, - ди район авыл хуҗалыгы һәм азык-төлек идарәсе җитәкчесе урынбасары Ильяс Гатауллин. - Бер сыердан тәүлеккә уртача 7,2 килограмм сөт савыла дигән сүз. Республика буенча бу иң түбән күрсәткеч. Башка районнарны карасак, бер сыердан иң күп сөт - 24,9 килограмм - Әтнә районында савалар. Саба (19,7 кг), Кукмара (19,3), Мамадыш (18,4) районнары да алдынгылар рәтендә.

Район хуҗалыклары арасында, 1 февральга алынган мәгълүматлар буенча, бер сыерга иң күп сөт “Якимова Ю.Г.” крестьян-фермер хуҗалыгында савыла. Монда 24 сыер исәпләнә, бер сыерга көнгә уртача 24 килограмм сөт туры килә. “Андреевка”, “Чирмешән АГРО”, “Камалов С.”, “Митяев Л.В.” хуҗалыкларының да күрсәткечләре яхшы. “Әхтәмов Р.Б.” (1,04 кг) һәм “Алга” (300 грамм) хуҗалыклары - исемлекнең иң түбән баскычларында.

-Әйтергә кирәк, “Сөлчә” җәмгыяте сөт җитештерү буенча мактауга лаек, - ди Ильяс Нәгыйм улы. – Монда сөт сатудан ай саен 1 миллион 500 мең сум акча эшлиләр.

Бүген сөтнең иң арзан сатып алу бәясе 23 сум 50 тиен тәшкил итә. Сөт терлекчелеге бердәнбер реаль акчалата керем чыганагы булып тора, шуңа да сөт сату күләмен арттырырга кирәк.

Кызганычка каршы, хуҗалыкларда терлекләрне тукландыру һәм карау технологияләренә тиешле дәрәҗәдә игътибар бирелми. Маллары фураж күрмәгән хуҗалыклар бар, кайберләренең бүген үк сенаж һәм силос базлары буш. Бары тик терлекләрнең азык рационы баланслы булганда һәм урыннарда эш дөрес оештырылганда гына күрсәткечләрне яхшыртырга мөмкин, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр