ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Васил Шәйхразиев Алтай краенда Сабан туе мәйданы белән танышты
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк
Татарстанда гражданнарга бушлай юридик ярдәм күрсәтү системасында 148 адвокат катнаша

Мәдәният

Санкт-Петербургта Чистай кызы Эльмира Мостафинаның рәсем күргәзмәсе ачыла

25 гыйнвар 2017, 17:38

Санкт-Петербургта Чистай кызы Эльмира Мостафинаның рәсем күргәзмәсе ачыла Күргәзмә Татарстанның Санкт-Петербург һәм Ленинград өлкәсендәге Даими вәкиллеге бинасында оештырыла.

(Казан, 25 гыйнвар, "Татар-информ"). 26 гыйнварда Татарстан Республикасының Санкт-Петербург һәм Ленинград өлкәсендәге Даими вәкиллеге бинасында 17.00 сәгатьтә шәһәрнең татар җәмгыяте әгъзасы Эльмира Мостафинаның “Алтын шәһәр” дип аталган күргәзмәсе ачыла.

Эльмира Мостафина Петербургның яшь буын рәссамнары вәкиле. Ул Россиядәге кебек үк чит илләрдә дә танылган. Тумышы белән Татарстанның Чистай шәһәреннән. 1993 елдан башлап күргәзмәләрдә катнашып килә. “Яшь талантлар” республика форумы кысаларында Татарстан дәүләт стипендиясенә лаек була. Чистай районы хакимияте ярдәме белән Чистай һәм Казан шәһәрләрендә элеккеге эшләреннән күргәзмәләр оештырылганы булды.

Н.И.Фешин исемендәге Казан сәнгать училищесын тәмамлап, Санкт-Петербург дәүләт академия институтына графика факультетына укырга керә. Үзенең диплом эшендә үк үзен “Минем Чистаем” сериясендә шәһәр пейзажында акварель остасы булуын күрсәтә. Казанның 1000 еллыгына багышлап, акварельдә "Кол-Шәриф" мәчетен ясый. Эльмира Мостафина "Россия рәссамнары – дөньяга" халыкара проектында катнаша һәм хезмәте "Шәһәр пейзажы" номинациясендә иң яхшы эш буларак билгеләп үтелә.

2006 елдан Эльмира Мостафина Санкт-Петербургның Рәссамнар берлеге һәм Санкт-Петербургның акварельчеләр җәмгыяте әгъзасы.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10