ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк
Татарстанда гражданнарга бушлай юридик ярдәм күрсәтү системасында 148 адвокат катнаша
Милли шура рәисе Алтай крае хөкүмәте вәкилләре белән очрашты

Авыл

Татарстанда мал табибларына кытлык булган районнар мәгълүм — исемлек

24 гыйнвар 2017, 14:27 , Фото: Рамиль Гали

Татарстанда мал табибларына кытлык булган районнар мәгълүм — исемлек Республикага 177 мал табибы һәм 100 ветеринар фельдшер кирәк.

(Казан, 24 гыйнвар, “Татар-информ”, Лилия Локманова). Татарстан районнарында мал табиблары җитми. Бу хакта кичә коллегия утырышында Татарстан Министрлар Кабинетының баш ветеринария идарәсе җитәкчесе – Баш дәүләт ветеринария инспекторы Алмаз Хисаметдинов хәбәр итте.

Аның сүзләренчә, әлеге мәсьәләне чишү максатыннан, Татарстанда ветеринария кече хезмәткәрләре әзерли торган курслар оештырылган. Шуның нәтиҗәсендә, 153 кеше ветеринария кече хезмәткәре таныклыгы алган. 2017 елда якынча 300 ләп белгеч өчен шундый курслар оештырылыр дип планлаштырыла.

Шулай булуга да карамастан, Татарстанда 177 мал табибы һәм 100 ветеринар фельдшер кирәк.

Кама Тамагы һәм Чирмешән районнарында кытлык 29 процент, Спаста 26 процент, Балык Бистәсендә 43 процент, Апаста 51 процент, Мөслимдә һәм Лаешта 56 процент белгечләр җитмәве мәгълүм.

"Бу районнарда хуҗалык җитәкчеләренең менталитетын үзгәртергә кирәк. Чөнки яшь белгечләр өчен әлеге районнарда бернинди дә шартлар тудырылмаган",- ди Алмаз Хисаметдинов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10