ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
20 майның төп вакыйгалары - фото һәм сылтамалар
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды

Авыл

Конкурста җиңгән Менделеевск фермеры Германиядә һәм Австриядә булып кайтты

17 гыйнвар 2017, 06:00

Татарстан делегациясе ул илләрнең терлекчелек фермаларында булып, авыл хуҗалыгы продукциясен эшкәртү предприятиеләре тәҗрибәсен өйрәнгән.

 (Менделеевск, 17 гыйнвар, “Татар-информ”, “Менделеевские новости”). Татарстанның Менделеевск районы Камай авылы фермеры Реналь Әгълиев Германиядә һәм Австриядә булып кайтты. Республика конкурсында “Иң яхшы механизатор” номинациясендә җиңүе аңа шундый мөмкинлек биргән. Ул әлеге сәфәргә юллама белән бүләкләнгән, дип хәбәр итә “Менделеевские новости” газетасы.

Татарстан делегациясе ул илләрнең терлекчелек фермаларында булган, авыл хуҗалыгы продукциясен эшкәртү предприятиеләре тәҗрибәсен өйрәнгән. “Мин аларның эшен карап, үзем өчен мөһим нәрсәләрне мыегыма чорнап куйдым. Чит илләрдәге коллегаллардан өйрәнер нәрсә күп”, - дип, фермер сыр ясаулары аеруча тәэсирләндерүен әйтә. Бу сөт продуктын ясау технологиясе, кулланыла торган рецептлар буыннан-буынга тапшырылуы үзенчәлекле, ди ул.

Шулай ук Германиядә үрчетелә торган мөгезле эре терлек токымнары, андагы фермалар, сыерларны ничек итеп савулары һәм башкалар турында сөйләп, иң истә калганы – пөхтәлек һәм җаваплылык, ди. “Без, абыйлы-энеле Әгълиевлар, шуңа омтылачакбыз. Бу сәфәр минем өчен алга таба омтылыш этәргече булды”, - дип фикер уртаклашты фермер.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10