ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Айрат Төхватуллин: Революциядән соң 12 мең мәчетнең – 10 меңе ябылган һәм таланган
Бездә йолалар күбрәк үтәлә кебек – Сабага Австралиядән килгән “Ак калфак” делегаты
Алкоголь белән законсыз сәүдә итү турында хәбәр биргән өчен 95 татарстанлы премия алган
Коткаручылар Нурлат районында буада батып үлгән хатын-кыз гәүдәсен тапкан
"Һава узышы" - Red Bull чемпионаты тарихында беренче тапкыр Казансу өстеннән очтылар

Рәсми Татарстан

Россия Инновацион төбәкләр ассоциациясе Советы һәм Гомуми җыены утырышы уздырылды

12 гыйнвар 2017, 13:22 , Фото: president.tatarstan.ru

Россия Инновацион төбәкләр ассоциациясе Советы һәм Гомуми җыены утырышы уздырылды Уртак утырыш Мәскәүдә VIII Гайдар форумы кысаларында Татарстан Президенты рәислегендә үткәрелде.

(Казан, 12 гыйнвар, “Татар-информ”). Бүген Мәскәүдә “VIII Гайдар халыкара форумы” фәнни-гамәли конференциясе кысаларында Россия Инновацион төбәкләр ассоциациясе Советы һәм Гомуми җыенының уртак утырышы уздырылды. Әлеге чараны Татарстан Президенты, әлеге ассоциация Советы рәисе Рөстәм Миңнеханов үткәрде. Бу хакта республика Президенты матбугат хезмәте хәбәр итте.

Утырышны ачып, Рөстәм Миңнеханов, Инновацион төбәкләр ассоциациясе Россия Федерациясе субъектларының инновацион үсеш юнәлешен формалаштыра торган абруйлы экспертиза мәйданчыгы сыйфатында күрсәтте, диде. Былтыр Петербург икътисади форумы кысаларында булган утырышта ассоциациянең эшчәнлеген оештыруга бәйле мәсьәләләр каралды, дип искәртте ул. Аерым алганда, оешманың уставына һәм идарә органнары структурасына үзгәрешләр кертү турында карар кабул ителде һәм эшнең календарь планы расланды. Болардан тыш, комитетлар эшенең форматы үзгәртелде, аларга хәзер башкарма хакимиятнең федераль органнары һәм үсеш институтлары вәкилләре җитәкчелек итә.

Рөстәм Миңнеханов Инновацион төбәкләр ассоциациясенең эшен тулаем уңай бәяләде, шулай ук алга таба да федераль үзәк белән нәтиҗәле хезмәттәшлек дәвам иттереләчәк, дип ышандырып әйтте.

Аннары ассоциациянең 2016 елдагы эшчәнлегенә хисап ясалды һәм алга таба төп бурычлар, эш юнәлеше билгеләнде.

Уртак утырышта Россия Инновацион төбәкләр ассоциациясе директоры Иван Федотов, әлеге ассоциация Советы әгъзасы, Калуга өлкәсе губернаторы Анатолий Артамонов һәм Россиянең башка субъектлары башлыклары катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр