ҺАВА ТОРЫШЫ +1 oC

Яңалыклар

барлык хәбәрләр Татарстан Россия
МӨҺим
Ренат Ибраһимов гөнаһсыз китап язган
Ислам финанславын алга җибәрүдә KazanSummitы 2017 елның иң әһәмиятле вакыйгасы
Татарстан синоптиклары буран һәм көчле җил турында кисәтә
Яшь калуның сере ярата белүдә – Ренат Ибраһимов
"Татар-информ" мәгълүмат агентлыгы сайты массакүләм ddos-hөҗүменә дучар ителде

Мәдәният

Бүген Мәскәүдә Камал театрының зур гастрольләре башлана

12 гыйнвар 2017, 13:35 , Фото: kamalteatr.ru

Бүген Мәскәүдә Камал театрының зур гастрольләре башлана

(Казан, 12 декабрь, «Татар-информ»). Бүген Камал театрының Мәскәү шәһәрендәге традицион гастрольләре Малый театр сәхнәсендә Фәрит Бикчәнтәев куелышындагы "Хуҗа Насретдин" спектакле белән ачылып китә.

Мәскәү гастрольләренә театрның йөздән артык хезмәткәре киткән. Театрның матбугат хезмәте кичә аларның Мәскәүгә гастрольләргә килеп җитүләрен, актерлар һәм администрациянең Мәскәү җәмигъ мәчетенә баруларын һәм Мәскәү шәһәренең мөселманнары Диния нәзарәте рәисе, Мәскәү мөфтие, Мәскәү җәмигъ мәчете баш имамы, ислам фәннәре магистры Илдар Галәветдинов белән очрашулары турында хәбәр итә.

Исегезгә төшереп үтәбез, Камал театры Мәскәүгә соңгы елларның җиде премьерасын алып китте.

Иртәгә, Мәскәү гастрольләре һәм Камал театрының 110-еллык юбилее кысаларында, 13.00 сәгатьтә А.А.Бахрушин исемендәге Дәүләт үзәк театраль музеенда “Каретный сарай” залында “Татар театрының тарихы плакатларда һәм афишаларда” дип исемләнгән күргәзмә ачыла. Проект А.А.Бахрушин исемендәге ДҮТМ (Мәскәү), Г.Камал исемендәге Татар дәүләт Академия театры, Казан (Идел буе) Федераль университетының Н.И.Лобачевский исемендәге Фәнни китапханә һәм Татарстан Республикасы Фәннәр Академиясенең Г.Ибраһимов исемендәге тел, әдәбият һәм сәнгать институты хезмәттәшлегендә тормышка ашырылды. Күргәзмәдә беренче татар труппалары (“Сәйяр”, “Нур”) афишаларыннан уникаль җыентык, Татар эшчеләр (“Эшче”), Колхоз-совхоз (күчмә) театрларының, Г.Камал исемендәге Татар дәүләт Академия театрының XX гасырдан башлап бүгенге көнгә кадәр чыгарылган афишалары тәкъдим ителә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр