ҺАВА ТОРЫШЫ -3 oC

Яңалыклар

барлык хәбәрләр Татарстан Россия
МӨҺим
Фото: Чаллыда Кама елгасыннан суга баткан хатын-кыз гәүдәсе тапканнар
Рөстәм Миңнеханов: Америка компанияләре белән элемтәләрне үстерүгә зур мөмкинлекләр бар
Синоптиклар Татарстан юлларында бозлавык булу ихтималы турында кисәтә
Татарстанга 2017 ел ахырына кадәр барлыгы 3 миллион турист килүе фаразлана
Татарстан Президенты Хьюстонга эшлекле сәфәр кыла

Мәдәният

Татарстан Милли китапханәсендә Разил Вәлиевнең 70 яшьлегенә багышланган күргәзмә үтә

12 гыйнвар 2017, 09:06

Татарстан Милли китапханәсендә Разил Вәлиевнең 70 яшьлегенә багышланган күргәзмә үтә Күргәзмәдә шагыйрьнең тормыш һәм иҗат юлын яктырткан китаплары тәкъдим ителә, экспозиция гыйнвар ае дәвамында эшләячәк.

(Казан, 12 гыйнвар, "Татар-информ"). Казанда, Татарстан Милли китапханәсендә республиканың халык шагыйре Разил Вәлиевнең 70 яшьлегенә багышланган “Яшьтәше мин барча кешеләрнең” дип исемләнгән күргәзмә эшли, дип хәбәр итә китапханәнең матбугат хезмәте.

1986-2000 елларда Татарстан Милли китапханәсен җитәкләгән, бүген Татарстан Дәүләт Советының Мәгариф, мәдәният, фән һәм милли мәсьәләләр комитетында рәислек иткән Разил Вәлиев 1947 елның 4 гыйнварында Татарстанның Түбән Кама районы Ташлык авылында туган.

Татарстанның Г.Тукай исемендәге Дәүләт премиясенә, М.Җәлил исемендәге республика премиясенә, Россия һәм Татарстанның атказанган мәдәният хезмәткәре мактаулы исеменә ия булган язучының бу күргәзмәдә тормыш һәм иҗат юлын яктырткан китаплары тәкъдим ителә. Биредә Разил Вәлиев язган шигырьләр, проза әсәрләре, публицистик язмалары, балалар китаплары, аның шигырьләренә иҗат ителгән җырлар белән танышырга мөмкин. Төрле телләргә тәрҗемә ителгән әсәрләре һәм үзе башка халыкларның татарчага тәрҗемә иткән әкиятләре дә урын алган. Разил Вәлиев “Татарстан китапханәләре үсеше тарихы. XX гасырның икенче яртысы” монографиясе авторы.

Күргәзмә гыйнвар ае дәвамында эшләячәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр