ҺАВА ТОРЫШЫ -13 oC

Яңалыклар

барлык хәбәрләр Татарстан Россия
МӨҺим
Узган ел Татарстанда салынган административ штрафлар суммасы 120 млн сумга арткан
И.Баязитов: Җомга вәгазьләрен татарча үткәреп, башка көннәрдә русча чаралар оештырып була
«Вамин» турында берничә роман язарга һәм спектакль куярга мөмкин иде – Фатыйх Сибагатуллин
Путин Мәскәүдә милли әдәбиятлар Йорты булдыру турында карар кабул итте
"Дакар"да җиңү яулаган “КамАЗ-Мастер” командасын Чаллыда тантаналы төстә каршы алдылар

Авыл

Россиядә йорт хайваннарын исәпкә алуның бердәм системасы булдырылачак

12 гыйнвар 2017, 08:21

Атлар, мөгезле эре терлек, боланнар, верблюд, йорт кошлары, этләр, песиләр, йорт куяннары, бал кортлары һәм балыклар да исәпкә алыначак.

(Казан, 12 гыйнвар, "Татар-информ"). Россия Хөкүмәте 2018 елга йорт хайваннарын һәм авыл хуҗалыгы терлеген идентификацияләү буенча бердәм система булдырырга ниятли. Бу хакта вице-премьер Аркадий Дворкович йөкләмәсенә сылтама белән “Известия” яза дип хәбәр итә ТАСС.

Россиядә хайваннарга 15 урынлы идентификацион сан биреләчәк, аларның хуҗаларына хайваннарга чип куярга яки татуировка ясатырга туры киләчәк.

Махсус оештырылачак дәүләт мәгълүмат системасында бу хайваннар турында бөтен мәгълүмат тупланып барачак. Идентификацияләүне гамәлгә кертү максатында “юл картасы”н 2017 елның 15 февраленә кадәр төзергә тиешләр.

Россия Авыл хуҗалыгы министрлыгында әйтүләренчә, идентификацияләнергә һәм исәпкә алынырга тиешле хайваннар исемлегендә атлар, мөгезле эре терлек, боланнар, верблюд, йорт кошлары, этләр, песиләр, дуңгызлар, йорт куяннары, мехлы җанварлар, бал кортлары һәм балыклар бар. Бер хайванны гына түгел, мәсәлән, бал кортлары очрагында, төркемләп тә исәпкә алырга ярый. Хайваннарны тугач яки Россиягә читтән алып кергәч өч ай эчендә теркәргә кирәк. Бу мәгълүмати системаны ил күләмендә тулысынча 2019 ел башына гамәлгә кертү ниятләнелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр