ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Айрат Төхватуллин: Революциядән соң 12 мең мәчетнең – 10 меңе ябылган һәм таланган
Бездә йолалар күбрәк үтәлә кебек – Сабага Австралиядән килгән “Ак калфак” делегаты
Алкоголь белән законсыз сәүдә итү турында хәбәр биргән өчен 95 татарстанлы премия алган
Коткаручылар Нурлат районында буада батып үлгән хатын-кыз гәүдәсен тапкан
"Һава узышы" - Red Bull чемпионаты тарихында беренче тапкыр Казансу өстеннән очтылар

Авыл

Татарстанның Арча мәктәп урманчылыгы укучылары 1349 килограмм ылыслы агач күркәсе җыйган

12 гыйнвар 2017, 06:21

Урман үстерү өчен чәчүлек материал запаслары әзерләүгә быел республиканың ылыслы урманнарында уңышлы ел булган.

(Казан, 12 гыйнвар, "Татар-информ"). Татарстанның Арча муниципаль районы урман хуҗалыгы "Урман уңышы" акциясенә йомгак ясады, дип хәбәр итә республиканың Урман хуҗалыгы министрлыгы матбугат хезмәте. Ылыслы агачларның күркәләрен җыю һәм булачак урманнарны торгызу өчен орлык әзерләү чараларын Арча урман хуҗалыгы белгечләре районның мәктәп урманчылыгы советы белән берлектә оештырды.

Көздән башланган акция нәтиҗәсендә 1349 килограмм нарат һәм чыршы күркәсе җыеп алынды. 4, 6, 7, 4, 8 һәм 10 сыйныфларда укучы балалар урман уңышын җыюда аеруча активлык күрсәтте. Татарстанда урманнарны тәшкил итүче токымнар булган гади нарат белән Европа чыршысының күркәләре урман утырту өчен таләп ителә. "Урманнарыбыз өчен гайре табигый булмаган уңышлы ел булды, шуңа да ылыслы токым агачларының орлык запасларын тулыландыру өчен табигатьнең юмарт бүләгеннән файдаланмау дөрес булмас иде. Ылыслы урманнар ел саен зур тизлек белән киселә бара, әлбәттә инде, югалтуларны тулыландыру өчен табигый үсеш җитәрлек дәрәҗәдә түгел, чөнки урманны яңадан үстерү өчен чәчүлек материал запаслары таләп ителә дә инде", – дип билгеләп үтә мәктәп урманчылыгы җитәкчесе Фирая Гайнанова. Җыелган күркәләрне яшь урманчылар Сорнар кишәрлеге урманчылыгына тапшырды.

Мисал өчен, җыеп алынган өч тонна күркәдән 30 килограмм орлык чыга, алардан киләчәктә бер миллион тирәсе чыршы үстерергә мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр