ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Уфада «Идел» Халыкара башкорт һәм татар җыры фестиваль-бәйгесенең Гала-концерты булды
“Каюм Насыйри туган җирен яңартып торгызу” фонды Резеда Ганиева белән очрашу оештыра
Роспотребнадзор балалар өчен Яңа ел күчтәнәчләре сайлауда үз киңәшләрен бирде
Әлмәттә Гадәттән тыш хәлләр министрлыгы хезмәткәрләре табиблар бригадасына ярдәм иткән
Киләсе елда бер литр бензинның бәясе 50 сумнан да артып китәргә мөмкин

Хәвеф-хәтәр

Россиядә ата-ана баланы кыйнаган өчен җинаять жаваплылыгын бетерүче закон проекты карала

12 гыйнвар 2017, 07:20

Хәзерге вакытта мондый гамәлләр өчен ике елга кадәр иректән мәхрүм ителү яный.

(Казан, 12 гыйнвар, "Татар-информ"). Россия Дәүләт Думасы гаиләдәге кыйнау очракларын җинаять җәзасы исемлегеннән алучы закон проектын беренче укылышта кабул итте. Бу хакта РИА Новости җиткерә.

Закон проектының авторлары Россия Җинаять кодексының 116 нчы маддәсенә төзәтмәләр кертергә тәкъдим итә.

"Әгәр дә сез тәртипсезләнгән балагызга суккаласагыз, сезгә ике елга кадәр иректән мәхрүм ителү көтелә. Әгәр дә күршегез сезнең баланы кыйнаса — бу очракта административ җәза бирелә", — дип хәзерге вазгыятькә мисал китергән Федерация Советы әгъзасы Елена Мизулина.

Яңа закон проектының тагын бер авторы, "Бердәм Россия" депутаты Ольга Баталина элек шулай ук кешеләрнең ни өчен гаиләдәге җәнҗал җинаять эше, ә урамдагысы административ хокук бозу булып санала, дип аңламауларын җиткергән булган.

Бүген гаиләдәге кыйнаулар өчен җинаять җаваплылыгы каралган, закон тиешле җәзаны билгели, алар — 360 сәгатькә кадәр мәҗбүри эшләр, бер елга кадәр төзәтү эшләре, ике елга кадәр иректән мәхрүм ителү, ике елга кадәр йөкләтелгән эшләр, алты айга кадәр кулга алыну булырга мөмкин. Әгәр дә яңа закон үз көченә керсә, якын туганнарга карата кылынган кыйнау гамәлләре административ хокук бозуларга керәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр