ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
Тамашачы Әлмәт театрының үсмерләр репертуарын үзе сайлый
Татарстан экология министры халыкны фосфатлы юуу чараларын кулланмаска өндәде
Үзбәкстан диаспорасы 52 кеше янган автобусның Казанга килергә тиеш булуын кире какты
2018 елда Казанда иске батарейкалар җыю өчен 60 контейнер урнаштырылачак
Америкада Булат Йосыповның «Бабич» фильмын күрсәттеләр

Җәмгыять

"Россия почтасы" лотерея билетлары җиде россиялене миллионер иткән - ТАСС

11 гыйнвар 2017, 20:12

Почта операторы бүлекләреннән сатып алынган яңа ел билетларының гомуми отыш суммасы 270 млн сумнан артык булган.

(Казан, 11 гыйнвар, «Татар-информ»). "Россия почтасы"ннан лотерея билетлары сатып алган җиде кеше 31 декабрь көнне миллионышар сум акча откан. Бу хакта ТАССка федераль почта операторы матбугат хезмәтеннән хәбәр иттеләр. "Дәүләт лотереялары статистикасы буенча 2016 елның 31 декабрендә яңа ел тиражын уйнату нәтиҗәләре буенча җиде кеше 1әр млн сум күләмендәге акчага ия булды", - диде агентлык әңгәмәдәше. Ул билетларның "Россия почтасы" бүлекләреннән Мәскәүдә, шулай ук Мәскәү, Ленинград, Иркутск, Самара, Белгород өлкәләреннән һәм Красноярск краенда сатып алганнарын билгеләп үтте. 

" "Россия почтасы"ның тугыз клиенты 700 мең сумнан артык булган эре призларга ия булды. Ә Новосибирск федераль почта хезмәте идарәсе клиентларына ике тапкыр уңыш елмайды – әлеге төбәктә ике бәхетле кеше 700 мең сумлык шәһәрдән читтә булган йорт отты", - дип билгеләп үттеләр матбугат хезмәтендә.

Почта операторы бүлекләреннән сатып алынган яңа ел билетларының гомуми отышы 270 млн сумнан артык сумманы тәшкил иткән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр